KAVAJË - Një zjarr i madh ka rënë në një fabrikë dyshekësh në krah të autostradës Kavajë- Rrogozhinë, duke e djegur të gjithën.

Lajmi është bërë i ditur nga burime policore, që kanë shkuar në vendin e ngjarjes dhe kanë nisur punën për shuarjen e flakëve bashkë me forcat zjarrfikëse.

Ende nuk dihen shkaqet e këtij zjarri, ndërsa në drejtim të Kavajës janë nisur edhe zjarrfikëse nga Tirana në ndihmë të atyre të qytetit, por ka qenë e panevojshme ndërhyrja pasi zjarri kishte djegur gjithçka.

Zjarrin veç materialit të dyshekëve që digjet shpejt, e ka ndihmuar edhe lënda drusore që ndodhej aty.

Mobileria mësohet se është në pronësi të disa shtetasve turq që bëjnë biznes në këtë qytet prej disa vitesh.

Është duke u hetuar njëkohësisht edhe nëse flakët janë aksidentale apo të qëllimshme, për shkak të konkurrencës.
 
Redaksia online
(ac/shqiptarja.com)