POP 5

Lajmet më të lexuara të 5 minutave të fundit

Ekonomi

‘Kazinotë’/Konfindustria: Të mbyllen shtigjet për pastrim parash! Jemi pro, nëse aktiviteti kontrollohet si në botë

Kreu i Konfindustrisë Gjergj Buxhuku parimisht është pro vendimit të qeverisë për miratimin e zonës ku do të lejohen kazinotë në Kryeqytet. Sipas tij nëse ky aktivitet kontrollohet dhe nuk lejohet pastrimi i parave atëherë do të ketë ndikim pozitiv në buxhet.

Vendimi i qeverisë për të miratuar zonën ku do të lejohen kazinotë në Tiranë, ka nxitur debate politike dhe ekonomike në vend. Edhe pse janë përcaktuar një sërë kushtesh që duhet të plotësojnë kompanitë që të licencohen në këtë biznes, kreu i Konfindustrisë Gjergj Buxhuku thotë për Report TV se duhet të bllokohen të gjitha shtigjet për pastrim parash, si dhe të bëhet analiza financiare se sa do të përfitojë buxheti i shtetit.

“Lëvizje kaq të forta tregojnë se sa e vështirë është klima e biznesit në vend. Nga ana tjetër duhet kuptuar, nëse qeveria ka marrë masat për të parandaluar fenomenin e pastrimit të parave, që në këtë biznes mundësia e prekjes është mjaft e lartë, kudo në botë. Po ashtu duam të dimë se sa do të jenë të ardhurat në buxhet nga rihapja e kësaj kategorie që ka risk të lartë”, pohon kreu i Konfindustrisë.

Sipas Buxhukut kthimi një hap pas i qeverisë për këtë biznes është edhe një tregues për goditjen që ka marrë buxheti nga mbyllja e këtij aktiviteti.

“Nëse realizohen të gjitha kërkesat e përmendura më sipër (të mos lejohet pastrimi i parave, të bëhet bilanci për të ardhurat) atëherë do të jetë një aktivitet i kontrolluar siç në vendet e BE, në momentin që nuk plotëson këto kritere atëherë kthehet në diçka negative. Mbyllja kishte kosto financiare që në fakt në të tillë biznes është me qindra milionë euro më pak në buxhetin e shtetit, dhe duhet arsyetuar se përse u mbyll”, u shpreh Buxhuku.

Nga aktiviteti i lojërave të fatit në buxhetin e shtetit arkëtoheshin çdo vit 5.4 miliardë lekë, të ardhura që tani i mungojnë, pasi ligjërisht lejohen vetëm kazinotë në hotele me 5 yje dhe resorte. Në vend në fund të dhjetorit 2018 ishin mbi 4,300 pika bastesh sportive dhe kazino elektronike, ndërsa numri i të punësuarve ishte mbi  7000.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Stan: 14/09/2020 16:37

    Jemi kthyer si ne kohen e Enverit qe nuk lejohej kumari. Qeveria ka per detyre te lejoje njerezit te hapin biznese te tilla si kazino dhe baste sportive dhe ti kontrolloje per pastrim parash dhe zbatim rregullash. Por asnjehere qeveria nuk ka te drejte te ndaloje njerezit per te luajtur kumar. Ne gjithe boten lejohet. Po keshtu veprohet ne kete vend te mjere, kryeministri eshte Zoti, çfare do ai, si ja merr mendja stij dhe kur te doje ben çfare te doje. Se mbesin gjithe ato njerez pa pune, apo hiqet nje e drejte njeriu.....ska rendesi. Po sikur te nxjerrin nje ligj dhe te ndalojne duhanin ne Shqiperi, ça do thonit? Apo turpi bashke me buke.

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi