POP 5

Lajmet më të lexuara të 5 minutave të fundit

Kronikë

KÇK-ja në drejtësi sabotoi policinë, u ktheu 91 milionë euro pasuri njerëzve të krimit 

Policia sekuestroi asete të krimit me vlerë 91 milionë euro, gjykatat pranuan vetëm sekuestrimin e pasurive me vlerë 30 mijë euro.

KÇK-ja në drejtësi sabotoi policinë, u ktheu 91 milionë euro pasuri njerëzve të krimit 

Foto ilustruese

Prokurorët dhe gjyqtarët KÇK kanë sabotuar aksionet e Policisë së Shtetit për goditjen e njerëzve të krimit, përmes sekuestrimit të pasurive të paligjshme. Në harkun kohor të një viti, strukturat e policisë kanë sekuestruar pasuri me vlerë 91 milionë euro të njerëzve të krimi në Shqipëri.

Nga 91 milionë euro pasuri e bllokuar nga policia, në përfundim, gjykatat kanë konfirmuar me vendime sekuestrimin e aseteve të krimit me vlerë 30 mijë euro. Njerëzit e krimit kanë arritur të rimarrin asetet e tyre gjatë proceseve hetimore dhe gjyqësore nga prokurorë dhe gjyqtarë, të cilët nuk e kanë kaluar procesin e Vetingut.

Të dhënat bazohen në një analizë të bërë nga qeveria mbi asetet kriminale të sekuestruara nga Policia e Shtetit. Ndërkaq, një tjetër arsye që ka prodhuar këtë bilanc të zi sa i takon goditjes së krimit, përmes bllokimit të pasurisë, është dështimi në zbatimin e ligjit anti-mafia, i miratuar në vitin 2009.

Ky bilanc negativ është një nga arsyet kryesore se pse qeveria miratoi në muajin shkurt një akt normativ special, për goditjen e krimit në Shqipëri, përmes bllokimit të pasurive, izolimit fizik dhe sanksioneve të forta ekonomike.

 Me ngritjen e Prokurorisë së Posaçme (SPAK) dhe Gjykatave Speciale, struktura të cilat kanë hapur një kapitull të ri në drejtësinë shqiptare, qeveria miratoi aktin special, duke nisur një aksion kombëtar për bllokimin e pasurive të krimit.

Akti normativ u rrëzua disa ditë më parë nga Presidenti Ilir Meta, përmes një dekreti, me pretendimin se nuk ka urgjencë dhe se shkelet Kushtetuta. Ditën e djeshme, Komisioni i Ligjeve vendosi të rrëzonte dekretin e Metës, duke hedhur poshtë si të pabaza të gjitha argumentet e tij.

Në krye të argumenteve të Komisionit të Ligjeve qëndron pikërisht analiza e bërë nga qeveria mbi asetet kriminale të sekuestruara nga Policia e Shtetit dhe vendimet e gjykatave për këto asete. Në të njëjtën kohë, Kuvendi ka miratuar edhe disa ndryshime në ligjin për statusin e prokurorëve dhe gjyqtarëve, duke parashikuar pezullimin brenda 6 ditëve të magjistratëve KÇK (kap ça të kapësh).

Por, edhe këto ndryshime janë rrëzuar nga Presidenti Meta më pretendimin se janë në kundërshtim me Kushtetutën dhe cënojnë pavarësinë e gjyqësorit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eri: 08/04/2020 15:22

    Kur do e kuptoj ky popull qe nuk behet kurr Shqiperia.KCK eshte nga shqiptar te korrupruar njelloj si organet e vjetra vetem se ato te paret e bindedhin berishes e kto te rinjt i binden Rames.Rroft Amerika qe na qau trapin mevregormen ne drejtesi per ti kthyer leket krimit.

    Përgjigju
  • Shqip: 08/04/2020 14:09

    Po pse thot policia merja duhet tja maresh tjetrit po prova ca esht ktu komunizem q veprojn njerzit me opinion

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu