'Ke lajthitur'! Meta i përgjigjet Gjonajt: Me qetësi dhe drejtësi, erdhi koha për llogari, trego shokët

'Ke lajthitur'! Meta i përgjigjet Gjonajt: Me qetësi dhe drejtësi, erdhi koha për llogari, trego shokët

TIRANE-Presidenti Ilir Meta i është përgjigjur ministres së Drejtësisë Etilda Gjonaj përmes zëdhënësit të tij, Tedi Blushi me një postim në Facebook. Ministrja e Drejtësisë Etilda Gjonaj tha se akuzat e Metës janë lajthitje që as ai vetë nuk i beson dhe se me të tilla akuza thjeshtë po bën një show politik presidencial duke dalë jashtë çdo kornize ligjore. Tedi Blushi i thotë ministres së Drejtësisë se me qetësi dhe drejtësi, erdhi koha për llogari. Në fund ai i kërkon Gjonajt që të tregojë shokët, për atë që ai e quan 'grusht shteti'.

Postimi i plotë i zëdhënësit të Presidentit Ilir Meta
Me qetësi dhe drejtësi, erdhi koha për llogari! Presidenti i Republikës, Sh.T.Z Ilir Meta ka kallëzuar penalisht ministren e Drejtësisë Etilda Gjonaj, së bashku me vartësit e saj, për këto vepra penale:

1.“Shpërdorim i Detyrës”, parashikuar nga neni 248 i Kodit Penal;

2.“Ushtrimi i ndikimit të paligjshëm ndaj personave që ushtrojnë funksione publike”, parashikuar nga neni 245/1 i Kodit Penal;

3.“Falsifikim i dokumenteve”, parashikuar nga neni 186 i Kodit Penal;

4.“Përvetësimi i titullit apo i detyrës shtetërore”, parashikuar nga neni 246 i Kodit Penal.

Shoqja Etilda me deklaratën e saj sot nuk u dha asnjë shpjegim shkeljeve të ligjit që ka konsumuar, por përballë fakteve të pakundërshtueshme, vijoi avazin: retorikë me veten.

Me daljen e sotme, shoqja Etilda, ka pranuar tërësisht fajësinë për të gjitha veprat penale për të cilat ajo është akuzuar.

Shoqja Etilda nuk mundi të arsyetonte dot, se cila qe baza ligjore që e autorizon apo i jep të drejtë Ministrisë së Drejtësisë të kërkojë apo të urdhërojë botimin në Fletoren Zyrtare të një akti që nuk ishte nxjerrë prej institucionit të saj!

Shoqja Etilda, nuk i dha përgjigje pyetjes, cila është ajo dispozitë e Kushtetutës dhe e Ligjit që lejon botimin në Fletoren Zyrtare të akteve të Këshillit të Emërimeve në Drejtësi

Shoqja Etilda, para se të përmendë në mekje e sipër nenet 3 dhe 4 të ligjit nr. 78/2014 “Për Qendrën e Botimeve Zyrtare”, bën mirë t`i lexojë më parë vetë. (Lexoji mirë nenet e mëposhtme)

Pra shoqja Etilda, vërtet ka dashur të bëjë publik sipas porosisë së shefit së saj, një akt të KED-së në Fletoren Zyrtare, po ka harruar të lexojë të gjithë ligjin, ku sanksionohen se në Fletoren Zyrtare botohen vetëm ato akte që përcakton Kushtetuta dhe ligji.

Ky vendim i KED-së, edhe pse shoqja Etilda ka dëshirë t`i bëjë reklamë, nuk lejohet të botohet në Fletore Zyrtare.

Shoqes Etilda, bashkë me deklaratën që i dhanë të lexonte, duhet t`i kishin dhënë edhe nenin 232, të ligjit nr. 115/2016, “Për organet e qeverisjes së sistemit të drejtësisë”, që përcakton se ku botohen aktet e KED për renditjen e kandidatëve.

Shoqja Etilda, anashkaloi sqarimin për falsifikimin e dokumenteve shtetërore, kur vet Kuvendi i Shqipërisë, nuk i kishte kërkuar botimin në Fletore Zyrtare.

Dita e shtunë e datës 9 nëntor 2019, kur shoqja Etilda dhe celula mafioze në Ministrinë e Drejtësisë, ka dalë në punë, është një prej elementëve që provon anën subjektive të konsumimit me nxitim dhe dashje të veprave penale, ndikimit të paligjshëm, falsifikimit, dhe shpërdorimit të detyrës.

Sa për hapjen e negociatave me BE-në, duhet ta dish se Kryekushti do të jetë hetimi dhe ndëshkimi i krimit Kushtetutes që keni bërë ju si grup i strukturar kriminal.

Po pse u lodhe kaq shumë moj shoqe e vërtetë Rilindase, për të mos thënë asgjë?!

Etilda, trego shokët!

Me qetësi dhe drejtësi, erdhi koha për llogari!

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mete: 28/02/2020 09:05

    Hiqi puturet se Mona i ka heq ne kohe

    Përgjigju
  • KARRAGJOZI: 27/02/2020 18:21

    Sa turp për kombin Shqiptar që të ket një njeri " PAÇAVURE " të till President. Ky njeri s'vlen as për pastrus wc jo më President. Mjer Shqipria me ktë ordiner njeri me emfin ilir floriri meta.

    Përgjigju
  • tarasi: 27/02/2020 18:06

    rregulloni njehere rruget ju bushtra pushtetare....pastaj vendosni gjobat

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Çeki: Zbulohet një rrjet propagande i financuar nga Rusia

Çeki: Zbulohet një rrjet propagande i financuar nga Rusia