Receta

Kek festiv nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 15 Dhjetor 2022, 11:40

Kek festiv

Përbërësit:

1 pandoro
1 vezë
250 gr maskarpone
250 ml pana ëmbëlsirash
1 fç kafe
1 majë luge kripë
Sheqer pluhur
Kakao pluhur

Përgatitja:

LEXO EDHE:
Supë me kofshë pule, oriz dhe salcë domate nga zonja Albana

Ndajmë të bardhën e vezës nga e verdha. Të bardhën e rrahim me një lugë sheqer pluhur në marengë. Më pas shtojmë maskarponen dhe e trazojmë më kujdes që të mos ulet vëllimi. Të verdhën e vezës e rrahim me pak kripë dhe e shtojmë tek marenga. E trazojmë me një spatul dhe e vendosim në frigorifer. Rrahim më pas panën e ëmbëlsirës dhe e vendosim në frigorifer.

Presim pandoro-n në feta dhe çdo fetë e spërkasim me pak kafe. Mbi çdo fetë bëjmë një lyerje me kremin e maskarpones duke i vendosur fetat njëra pas tjetrës duke formuar në këtë mënyrë një kek në formë kështjelle. Në fund bëjmë një dekorim më kremin e panës dhe e spërkasim të gjithë kekun me sheqer pluhur dhe kakao.

MC/Shqiptarja.com

TAG: