Receta

Kek me arra dhe bajame, super shije nga Raina Kovaçi

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 12 Janar 2023, 11:09 | Përditesimi: 12 Janar 2023, 11:10

Kek me arra dhe bajame

Përbërësit:

2 vezë
1 gotë kos
2 gota sheqer
2 gota margarinë
2-3 gota miell
Pluhur pjekës ose sodë
Kakao
Bajame
Arra
Sheqer pluhur për servirje

Përgatitja:

LEXO EDHE:
Supë magjerica nga zonja Albana / Një supë plot shije për tryezën tuaj të Pashkëve

Rrahim vezët më sheqerin dhe sapo sheqeri të shkrijë shtojmë kosin dhe margarinën e tretur. E trazojmë mirë duke hedhur gradualisht miellin së bashku me pluhurin pjekës. E punojmë mirë brumin e kekut dhe më pas marrim pak brumë në një tas të vogël dhe e trazojmë më 2-3 lugë kakao. Tek pjesa e bardhë e brumit shtojmë bajamet dhe arrat e thërrmuara.

Masën e brumit pa kakao e hedhim në një formë keku, e nivelojmë mirë dhe në fund hedhim pjesën e brumit me kakao. E vendosim kekun të piqet në furrë të parangrohur në temperaturën 180 gradë Celsius. Pasi është pjekur e servirim pudrosur me sheqer pluhur.

MC/Shqiptarja.com

TAG: