Receta

Kek me mandarina nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 7 Shkurt 2023, 11:09 | Përditesimi: 7 Shkurt 2023, 11:10

Kek me mandarina

Përbërësit:

220 gr miell
8-9 mandarina
100 gr sheqer
150 ml vaj ulliri
160 ml ujë
2 kokrra vezë
1 majë luge kripë
1 bustinë pluhur pjekës
Lëkurë mandarine
Sheqer pluhur për spërkatje

Përgatitja:

LEXO EDHE:
Supë magjerica nga zonja Albana / Një supë plot shije për tryezën tuaj të Pashkëve

Vendosim në një tavë një letër pjekje, e ngjisim mirë dhe e spërkasim me miell. Qërojmë mandarinat, i ndajmë përgjysmë dhe i vendosim rradhë-rradhë.

Në mikser vendosim një mandarinë dhe 2 vezë. E kalojmë këtë masë në kullesë ku shtojmë sheqerin. E rrahim me telin e vezëve duke shtuar gradualisht vajin. Vazhdojmë trazimin pa ndërprerje, më pas shtojmë ujin dhe miellin gradualisht. E punojmë mirë brumin e ëmbëlsirës derisa të bëhet një masë homogjene. Grijmë lëkurën e një mandarine e shtojmë tek brumi, e trazojmë dhe të gjithë masën e hedhim në tavë mbi mandarinat. E nivelojmë mirë dhe e vendosim në furrë të parangrohur në temperaturën 180 gradë Celsius për 40 minuta.

MC/Shqiptarja.com

TAG: