Këngëtari me famë botërore Bob
Dylan fiton çmimin Nobel në Letërsi

Cmimi Nobel në Letërsi i akordohet kantautorit amerikan, legjendës së rokut  Bob Dylan. “ Dylan krijoi shprehi  të reja poetike   në traditën e muzikës amerikane” ishte ky motivacioni që Akademia e Shkencave dha në momentin e publikimit të lajmit i cili u prit me ovacione. Por Bob Dylan ka qenë për më shumë se 5 dekada një influencë e jashtëzakonshme në muzikën dhe në kulturën popullore, jo vetëm me notat muzikore, por edhe me penën e tij.

Sekretarja  e akademisë Sara Danils e përshkroi Dylan si një model, një shembull për mënyrën sesi ka kombinuar ritmin me refrenet dhe mënyrën e tij brilante të të menduarit.75 vjeçari e ka nisur karrierën e tij në vitin 1959 në një kafene në Minnesota.

Këngë të tilla si  "Blowin  in the Wind" dhe "The Times they are a changin" u shndërruan një nga refrenet e lëvizjeve për të drejtat e njeriut  dhe refren për paqe.
Këngëtari  diti  të largohet nga tradicionalja dhe të dhurojë një ndërthurje energjike në muzikë.
Kantautori amerikan është muzikanti i parë të cilit i akordohet ky cmim ndërsa në vitin 2008 Dylan fitoi Pulitzer për fuqinë poetike të këngëve të tij.

Emri i Bob Dylan-it ishte lakuar prej kohësh si fitues i mundshëm i Nobelit, por të paktë ishin ekspertët që mendonin se akademia suedeze do ta shtrinte gamën e çmimit prestigjioz edhe në zhanre si muzika folk rok.

TAG:
• akademia e shkencave