Trafiku i anijeve përmes Ngushticës së Hormuzit po vazhdon të zvogëlohet, me shumë anije cisterna gazi dhe nafte që ngurrojnë të kalojnë, pasi i tremben rrezikut të një sulmi të mundshëm iranian.

Sipas mediave të huaja, Claire Jungman, nga kompania e inteligjencës energjetike Vortexa, thotë se mesatarisht 24 anije cisternë në ditë kanë kaluar nëpër këtë rrugë ujore midis janarit dhe momentit të shpërthimit të luftës.

Firma e inteligjencës detare Kpler i ka thënë BBC Verify se lëvizjet e anijeve nëpër ngushticë ranë me rreth 90% midis 2 dhe 3 marsit, krahasuar me mesataren për periudhën 21 deri në 27 shkurt.

Në 24 orët e fundit, BBC Verify ka identifikuar të paktën dy anije mallrash, të dhënat e gjurmimit të të cilave tregojnë se ato udhëtuan nga lindja në perëndim përmes Ngushticës së Hormuzit në Gjirin Persik.

Kohët e fundit, sinjali i gjurmuesve në bord të një numri anijesh, përfshirë një me flamur të Indisë, është zhdukur ose ka treguar shenja bllokimi.


Lajmi kryesor:

Lufta në Lindjen e Mesme/ Turqia: Raketa e Teheranit u shkatërrua nga NATO pranë hapësirës sonë, por nuk ishim ne objektivi! Shtyhet funerali i Khameneit! Sulme dhe drejt Kuvajtit