Kërcënoi me armë zjarri 26 vjeçarin dhe tentoi të arratiset, arrestohet 32 vjeçari në Berat

Një 32 vjeçar në Berat ka rënë në prangat e policisë pasi ka kërcënuar një të ri dhe më pas ka tentuar që të largohet.

Në pranga ka rënë A. L., 32 vjeç, banues  në  lagjen “30 Vjetori”, Berat

Në lagjen “30 Vjetori”, te tregu i mallrave të përdorura, ai ka kërcënuar për motive të dobëta, me armë zjarri pistoletë, personin me iniciale E. P., 26 vjeç, banues në lagjen “Jani Vruho”, Berat (i dënuar më parë për veprën penale “Kultivimi i bimëve narkotike).

Njoftimi i policisë:

Kanosi për motive të dobëta me armë zjarri një shtetas dhe tentoi të largohej, kapet gjatë ndjekjes nga Policia 32-vjeçari.

Nga specialistët e Seksionit për Krimet në Komisariatin e Policisë Berat u bë arrestimi në flagrancë i shtetasit A. L., 32 vjeç, banues  në  lagjen “30 Vjetori”, Berat.

Arrestimi i tij u bë pasi në lagjen “30 Vjetori”, te tregu i mallrave të përdorura, ka kanosur për motive të dobëta, me armë zjarri pistoletë, shtetasin E. P., 26 vjeç, banues në lagjen “Jani Vruho”, Berat (i dënuar më parë për veprën penale “Kultivimi i bimëve narkotike).

32-vjeçari, kur ka parë shërbimet e Policisë ka tentuar të largohet me shpejtësi, por është kapur pas disa minutash ndjekjeje. 

Materialet i kaluan Prokurorisë së Rrethit Gjyqësor Berat, për veprën penale “Armëmbajtja pa leje”, “Kanosja” dhe “Prishja e rendit dhe qetësisë publike”.

TAG:
• Kercenim
• Berat
• Arrestime