POP 5

Lajmet më të lexuara të 5 minutave të fundit

Armand Duka kërkoi rihapjen e basteve, ministrja e Sportit: Nuk e rikthejmë atë katrahurë! Flasim vetëm për legalizimin e tregut online

Ministrja Evis Kushi e përjashton kategorikisht rikthimin e pikave të basteve, teksa deklaron se ‘është kundër përsëritjes së katrahurës së sallave të bixhozit, bingove e basteve, si dhe pasojat negative të këtij fenomeni social në familjet shqiptare.

Armand Duka kërkoi rihapjen e basteve, ministrja e Sportit: Nuk e rikthejmë atë katrahurë! Flasim vetëm për legalizimin e tregut online

Takimi mes përfaqësuesve të Ministrisë së Arsimit dhe FSHF-së

TIRANË- Ministria e Arsimit dhe Sportit ka zhvilluar sot një takim me përfaqësues të Federatës Shqiptare të Futbollit në lidhje me ligjin e sponsorizimit, por mbi të gjitha për kërkesën e këtyre të fundit për rikthimin e basteve sportive.

Ministrja Evis Kushi e përjashton kategorikisht rikthimin e pikave të basteve, teksa deklaron se ‘është kundër përsëritjes së katrahurës së sallave të bixhozit, bingove e basteve, si dhe pasojat negative të këtij fenomeni social në familjet shqiptare.’

“I kam ndjekur vazhdimisht me shumë vëmendje diskutimet e fundit nga përfaqësues të ndryshëm të komunitetit të sportit në lidhje me çështjen e rihapjes së basteve sportive. Natyrisht që pretendimet e tyre për tregun e zi të basteve nuk janë pa bazë, madje ka pasur edhe operacione policore në këtë drejtim. Por ndërkohë ne jemi të vetëdijshëm që në të gjithë botën, madje edhe në vendet më të zhvilluara, problemi i tregut të zi digjital të basteve sportive është shumë i ndjeshëm.”

Megjithatë vetë ministrja e pranoi se bastet online janë një problem dhe do dëgjojë për mundesitë e formalizimit të këtij tregu.

Në përfundim Kushi tha se Ministria e Arsimit dhe Sportit ka treguar mbështetje të vazhdueshme për zhvillimin e sportit në vend dhe takime të tilla janë të dobishme për të ecur bashkërisht përpara e për të ndërmarrë politika që garantojnë një sport dinjitoz. Në ditët në vijim do të zhvillohen dëgjesa edhe me përfaqësues të federatave të tjera sportive dhe grupe interesi.

Në një deklaratë për mediat më 14 qershor, Armando Duka dhe përfaqësuesit e klubeve kërkuan hapjen e basteve sportive të mbyllura që prej 2018. Sipas tyre bastet duhet të hapen dhe minimuni 70% e të ardhurave nga bastet ti kalojë sportit. Në lidhje me rikthimin e basteve sportive, Report TV, dy ditë më parë pyeti qytetarët.

Ne.k./a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03