Kërkohej në Kroaci për trafik droge dhe grup kriminal, arrestohet në Qafë Thanë shqiptari i Maqedonisë së Veriut

Foto ilustruese

Një shqiptar nga Maqedonia e Veriut është arrestuar në përpjekjet për të hyrë në Shqipëri, në pikën kufitare të Qafë Thanës, i shpallur në kërkim ndërkombëtar. 35-vjeçari Toni Jashari, banues në Gostivar në Maqedoninë e Veriut, është shpallur në kërkim ndërkombëtar nga Kroacia për veprën penale të trafikimi të lëndëve narkotike dhe veprimit si grup i strukturuar kriminal.

Shqiptari nga Maqedonia është një person më rrezikshmëri të lartë shoqërore dhe është i dënuar në mungesë në Kroaci me 10 vite burg. Ai është arrestuar me qëllime ekstradimin drejt Kroacisë ku do të vuaj edhe dënimin.

Jashari është  dënuar me 10 vite burg për veprat penale "Grup i strukturuar kriminal" dhe "Prodhim dhe shitje narkotikësh" më 26 gusht të 2015, por ai është larguar menjëherë nga Kroacia duke mos vuajtur dënimin.

Arrestimi i tij ndodhi ditën e sotme në përpjekje për të hyrë në Shqipëri  nga policia kufitare e Qafë Thanës.

I.K./Shqiptarja.com
  • Sondazhi i ditës:

    Rënia e rasteve me Covid-19 dhe vaksinimi, a duhet të hiqet ora policore?

Komento


×

Lajmi i fundit

John

Lajm i mirë, Bashkia e Tiranës hap aplikimit për regjistrimin e fëmijëve në çerdhe