Kërkohej për prodhimin e kriptovalutave, arrestohet 21-vjeçari në Shkodër

Kërkohej për prodhimin e kriptovalutave, arrestohet 21-vjeçari në Shkodër

Pajisjet që u sekuestruan

Policia e Shkodrës në vijim të operacionit të koduar ‘Avalon’ ka vënë në pranga 21-vjeçarin Jetmir Mehja, i cili akuzohet për prodhim të kriptomonedhave virtuale.

Për Jetmir Mehjan, Gjykata e Rrethit Gjyqësor Shkodër, me vendimin e datës 30 maj ka caktuar masën e sigurisë “Arrest në burg”, për veprat penale “Mashtrimi kompjuterik”, “Ushtrimi i aktivitetit tregtar të paregjistruar në organet tatimore” dhe “Vjedhja e energjisë elektrike”.

datën 27 maj, në një magazinë në Shkodër u gjetën dhe u sekuestruan, 16 pajisje elektronike që shërbenin për gjenerimin e kriptomonedhave virtuale, me lidhje të paligjshme të energjisë elektrike. Në kuadër të operacionit, ‘Avalon’ u arrestua 43-vjeçari, Elvis Mehja, xhaxhai i 21-vjeçarit.

Po ashtu procedua penalisht në gjendje të lirë punonjësi i OSHEE-së, Fatjon Bengu. Sipas policisë Jetmir Mehja, 21-vjeç, dyshohet se përdorte 16 pajisjet elektronike, të cilat shërbenin për gjenerimin në mënyrë të jashtëligjshme të kriptomonedhave.

Sakaq gjatë kontrollit të ushtruar në banesën e shtetasit Elvis Mehja, shërbimet e policisë gjetën dhe sekuestruan një sasi lënde të dyshuar narkotike cannabis sativa.

Në vijim të këtij operacioni u procedua në gjendje të lirë edhe shtetasi Fatjon Bengu, 33 vjeç, banues në Shkodër, me detyrë lexues i aparatit matës, në OSHEE Shkodër, për veprën penale “Shperdorimi i detyrës”, pasi dyshohet se ky shtetas ka mundësuar furnizimin e pajisjeve që gjenerojnë kriptomonedha virtuale, me lidhje të paligjshme të energjisë elektrike.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Berisha-Meta e partitë e vogla bashkë për zgjedhjet vendore, a mendoni se fitojnë përballë PS?



×

Lajmi i fundit

VIDEO/ Ky është propozimi më i dështuar...pasi nxori unazën, vajza ia fut shpullë të dashurit

VIDEO/ Ky është propozimi më i dështuar...pasi nxori unazën, vajza ia fut shpullë të dashurit