Kërkohet 'arrest shtëpie' për presidentin e Federatës së Futbollit të Kosovës

Kërkohet 'arrest shtëpie' për presidentin e Federatës së Futbollit të Kosovës

Agim Ademim kreu i FFK-së

Presidenti i Federatës së Futbollit të Kosovës, Agim Ademi prej mesditës së djeshme është i ndaluar nga policia e Prishtinës për 48 orë me akuzat për keqmenaxhimin e fondeve në institucionin që ai drejton. Tanimë "GazetaBlic" bën me dije se Prokuroria Themelore e Prishtinës ka paraqitur kërkesën në gjykatë për caktimin e masës "arrest shtëpie" për Ademin.

Lajmi është konfirmuar nga zëdhënësja e Prokurorisë, Laureta Ulaj. "Ju njoftojmë se Prokurori i Shtetit ka paraqitur kërkesë për caktimin e masës së arrestit shtëpiak ndaj A.A., në Gjykatën kompetente”, thuhet në njoftimin e Ulajt.

Pas arrestimit të djeshëm, Ademi pësoi një problem shëndetësor dhe u detyrua që ta kalonte natën në urgjencën e spitalit në Prishtinë.

Në raportin 24 orësh të policisë këtë të enjte, thuhet se Ademi dyshohet se ka kryer veprat penale “Keqpëdorim i besimit” dhe “Shmangie nga tatimi”, duke keqpërdorur buxhetin e FFK-së. Prokuroria Themelore në Prishtinë, të mërkurën njoftoi se Ademi është ndaluar për 48 orë.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri