Ministrja e Drejtësisë, Albulena Haxhiu është paraqitur sot për t’u marrë në pyetje në Prokurorinë Speciale në Prishtinë, në rolin e dëshmitares për deklaratat e saj se grupe kriminale të lidhura me pushtetin në Serbi kanë gisht në arratisjen e disa të burgosurve në Kosovë.
Prokuroria Speciale e Kosovës, njofton se me autorizim të Prokurorisë Speciale, sot është intervistuar ministrja Haxhiu, me qëllim të sqarimit të deklaratës së saj të dhënë në mediumin TV Dukagjini, në emisionin Debat Plus më datë 2 korrik 2024, lidhur me takimet dhe diskutimet e mundshme me prokurorë dhe gjyqtarë për raste të caktuara, si dhe postimin e saj në rrjetin social Facebook të datës 20 korrik 2024, lidhur arratisjet që kanë ndodhë nga burgjet e Kosovës.
Intervistimi i të njëjtës për sqarim të këtyre çështjeve do të vazhdojë edhe nesër.
Haxhiu tha të shtunën se organet shtetërore kanë informacione që “së paku në disa raste”, grupe kriminale të lidhura me pushtetin në Serbi kanë ndihmuar dhe organizuar arratisjet e të burgosurve në Kosovë.
“E rëndësishme të potencohet fakti që arratisja e disa personave që po kërkohen nga institucionet përgjegjëse në Republikën e Kosovës po bëhet vetëm në një drejtim: atë të territorit të Serbisë. Informacionet e organeve tona sugjerojnë që së paku në disa raste, këto arratisje janë cytur, organizuar, bashkorganizuar e lehtësuar nga grupe kriminale të lidhura me struktura të pushtetit në territorin e Serbisë”, tha Haxhiu.
Ajo kishte thënë se mbështetja e Serbisë për të arratisurit në Kosovë “është padyshim e qëllimshme, e organizuar dhe e lidhur me qëllim për të dëmtuar rendin publik, kushtetues e ligjor të Kosovës”.
Haxhiu ka thënë se për shkak të informacioneve “kundërthënëse” nuk mund të dihet me siguri nëse Faton Hajrizi është vrarë dhe se nevojitet hetim i gjerë e i thellë, për të zbardhur të vërtetën e këtij rasti. KosovaPress
Lajme të tjera
-
Qeveria 'Kurti' miraton projektligjin: Shqiptarët e Luginës mund të kenë prona në Kosovë
24 Janar, 14:50 -
U vra në paraburgim, zhduken mostrat e gjakut të Astrit Deharit! Vetëm 3 persona kishin akses në laborator, ministrja: Akt kriminal
8 Dhjetor 2022, 13:02 -
Qeveria në Kosovë paralajmëron ashpërsimin e ndëshkimeve për krimet seksuale dhe dhunën në familje
12 Tetor 2022, 12:26 -
Ministrja e Drejtësisë në Kosovë për rastin e 11-vjeçares: Do të ketë edhe shkarkime tjera
4 Shtator 2022, 14:01 -
Vetting në drejtësi edhe në Kosovë! Albin Kurti: Komisioni i Venecias na dha 'dritën jeshile'
18 Qershor 2022, 16:36 -
Albin Kurti u përjashtua nga gara, reagon Vetëvendosje: Këto janë përpjekjet dhe shkelmat e fundit të atyre që e kapën shtetin
20 Janar 2021, 15:51 -
Marrëveshja Kosovë-Serbi/ Haxhiu për Report Tv: Trump përdori Hotin për të përmirësuar figurën e tij në politikën e jashtme
7 Shtator 2020, 22:47 -
Ministrja e Drejtësisë së Kosovës: Vettingu të jetë i pavarur nga pushteti ekzekutiv, të rikthehet besimi tek qytetarët
27 Prill 2020, 23:24
