POP 5

Lajmet më të lexuara të 5 minutave të fundit

Sociale

Kultura

Kërkuan rritje page, pushohen nga puna 9 instrumentistë të Orkestrës së Harqeve në Korçë

Nëntë instrumentistë të Orkestrës së Harqeve në Korçë janë pushuar nga puna pasi kërkuan rritje page. Dirigjenti Kostika Tanto akuzon drejtoren e Qendrës Kulturore për veprime arbitrare, ndërsa kjo e fundit tha se ka krijuar formacion të ri, nën drejtimin e dirigjentit Ilir Erzeni.

Korçë- Nëntë instrumentistë të Orkestrës së Harqeve në Korçë janë larguar nga puna, pasi nuk zbatuan urdhërin e drejtoreshës së Qendrës së Artit dhe Kulturës, Blerta Belliu. Shqetësimi u bë publik nga dirigjenti Kostika Tanto i cili ka drejtuar për 8 vite Orkestrën e Harqeve.

Tanto shpjegon se në muajin nëntor 2023 kërkuan nga Bashkia e Korçës, prej së cilës varet Qendra e Artit e Kulturës, rritjen e pagave pasi instrumentistët merrnin një pagë qesharake prej 5950 lekësh në muaj. Instrumentistët jo vetëm nuk morën përgjigje, por në dhjetor 2023 u thirrën nga drejtoresha Blerta Belliu për të krijuar një formacion të ri, Orkestrën Sinfonike. 9 prej 18 instrumentistëve, përfshirë drejtuesin e orkestrës Kostika Tanto nuk pranuan të firmosin ndaj institucioni u ndërpreu kontratat e punës.

“Një pjesë e Orkestrës së Harqeve që unë kam drejtuar prej 8 vitesh është lënë jashtë formacionit për këtë vit. Janë ndërprere kontratat në muajin janar 2024. Në total ishim 18 instrumenistë, 9  nuk u thirrën në janar. Me sa kam dëgjuar gjysmën e orkestrës e kanë formuar me mercenarë nga Tirana. Është fyerje për ne, që të marrin pjesë ata dhe të përjashtohen korçarët”, tha dirigjenti Kostika Tanto.

Qendra e Artit dhe Kulturës në juridiksionin e Bashkisë së Korçës reagoi me shkrim duke thënë se ka gjetur drejtuesin e ri të Orkestrës Sinfonike.

“QAK ka thirrur të gjitha forcat artsitike për të qene pjesë e festimeve të inagurimit të QAK dhe 100 vjetorit të orkestres sinfonike. Disa prej tyre nuk kane rene dakord me mundesite financiare. Jane mare te gjithe masat per realizimin e aktiviteteve. Ky do të jetë viti i ringritjes së orkestres sinfonike të Korccës me rikthimim e dirigjentit te mirenjohur Ilir Erzeni dhe 44 instrumentisteve që tashmë kanë nisur punen”.

Sakaq dirigjenti Kostika Tanto kërkon nga Këshilli Bashkiak i Korçës dhe organet ligjzbatuese të marrin masa ndaj QAK, që me veprime arbitrare ka ulur dinjitetin e artistëve korçarë.

S.G/N.Xh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Propozimi i PS, a na duhet një reformë e re anti-korrupsion?

Lajme të tjera



×

Lajmi i fundit

Disa probleme të vogla për të zgjidhur...çfarë thonë yjet për ju sot

Disa probleme të vogla për të zgjidhur...çfarë thonë yjet për ju sot

9 Maj, 07:17