KOSOVË- Anëtarësimi në INTERPOL po duket një prag i pakapërcyeshëm për Kosovën. Për shkak të situatës politike në vend, kryeministri në detyrë, Ramush Haradinaj, në ditën e parë të fillimit të punës së Asamblesë Gjenerale të kësaj organizate, ka kërkuar që të shtyhet aplikimi i Kosovës për anëtarësim deri në vitin tjetër.
Në një përgjigje zyrtare nga INTERPOL-i për Gazetën Express kanë treguar se kanë pranuar dje kërkesën e Republikës së Kosovës për shtyrje të aplikimit për anëtarësim dhe kanë konfirmuar se kjo çështje nuk do të diskutohet përgjatë punimeve të Asamblesë së Përgjithshme.
Kjo kërkesë e institucioneve të Republikës së Kosovës për shtyrje të aplikimit kishte ardhur si pasojë e tranzicionit ku gjendet aktualisht vendi, pas zgjedhjeve që janë mbajtur më 6 tetor.
“Më 15 tetor, INTERPOL ka pranuar një letër nga autoritetet në Kosovë se për shkak të ndryshimeve në qeveri, ata dëshirojnë që të shtyjnë aplikimin e tyre për anëtarësim deri në vitin tjetër kur do të mbahet Asambleja Gjenerale e radhës. Bazuar në këtë, kjo çështje nuk do të merret në konsideratë përgjatë punimeve të Asamblesë Gjenerale të 88-të që po mbahen në Santiago të Kilit”, thuhet në përgjigjen për Gazetën Express.
Fillimisht letra e Haradinajt drejtuar zyrtarëve të INTERPOL-it ishte publikuar nga mediat serbe, dhe më pas një gjë e tillë ishte konfirmuar edhe nga vetë zyra e kryeministrit në detyrë.
Ndërkohë nga Ministria e Punëve të Jashtme nuk jepnin përgjigje, duke thënë se duhet drejtuar te zyra e kryeministrit.
Kjo është hera e dytë që Republika e Kosovës zmbrapset nga përpjekja për anëtarësim në INTERPOL, ndërsa hera e pestë që dështon.
Lidhur me përpjekjet e Kosovës për anëtarësimin në INTERPOL, ka pasur një fushatë të egër të Serbisë, shtet i cili lobonte tek të gjitha vendet që nuk e kanë njohur pavarësinë, që të mos e përkrahin.
Ndërkohë kreu i shtetit serb, Aleksander Vuçiq, e ka cilësuar si një fitore të vogël politike.
Asambleja Gjenerale e INTERPOL-it ka filluar punimet më 15 tetor dhe do t’i përfundojë ato sot më 18 tetor./GazetaExpress/
Lajme të tjera
-
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58 -
Kimete Berisha: Me Mickovskin kundër gjuhës shqipe
20 Nëntor, 11:20
-
Osmani i kthen dy ligje Kurtit, presidentja kërkon rishqyrtim për Këshillin e Sigurisë dhe mbrojtjen e konsumatorit
20 Nëntor, 09:42
