Këshillat më të mira si të ngadalësoni plakjen

Teksa proçeset e organizmit ngadalësohen, ndryshimet në trup do të fillojnë të jenë prezente nga ato të brendshmet e deri tek ato më të dukshmet.

Për shumë njerëz ky ndryshim mund të jetë i vështirë pasi mund të ulë efektivitetin e tyre të përditëshëm. Po, në vetëm disa hapa jetesa juaj e përditëshme do të përmirësohet dhe do të ndiheni gjithnjë e më të rinj.

Hidratohuni

Një lëkurë e shëndetëshme, një bark i sheshtë dhe një organizëm i mirë fillojnë me një gotë ujë. Teksa vitet kalojnë lëkura ka tendencën të lëshohet dhe të humbasë elasticitetin e saj duke krijuar rrudhat.

Nëse kërkoni të ndiheni më të ri dhe më të hidratuar provoni të shtoni sa më shumë ujë në dietën tuaj të përditëshme.

Konsumoni fruta të kuqe

Hapi i parë në humbjen e peshës së pa dëshiruar është ushqimi i shëndetëshëm.

Me kalimin e viteve proçesi i tretjes dhe djegies së dhjamit ngadalësohet ndaj miqtë tuaj më të mirë janë frutat. Në veçanti frutat e kuqe si qershitë, mollët e kuqe, luleshtrydhe dhe rrushi pasi janë burime antioksidantësh.

Ekspertët i rekomandojnë këto fruta si një mënyrë që lufton edhe sëmundje të kujtesës si demenca. Zgjidhni gjithnjë ushqime të pasura me antioksidantë për një trup dhe mendje të shëndetëshme.

Konsumoni fibra

Fibrat do të ndihmojnë trupin tuaj të kryejë siç duhet proçeset e tretjes dhe te nxjerrë toksinat jashtë. Ato mund t’i merni nga perimet, frutat, bishtajoret apo arrorët, pra i gjeni kudo. Shumë studime tregojnë se ka një lidhje të ngushtë mes tretjes së mirë dhe konsumimit të sa më shumë fibrave.

Aktiviteti fizik

Aktiviteti fizik është shumë i rëndësishëm. Mjekët rekomandojnë disa minuta ecje në ditë për të mbajtur peshën ideale trupore dhe tonifikuar trupin. Sa më shumë të ecni aq më shumë i dhuroni rini e shëndet organizmit tuaj.

Shtoni yndyrnat e shëndetëshme

Një studim i Universitetit të Vienës tregoi se yndyrnat e shëndetëshme si vaji i ullirit apo djathi ndihmojnë në ngopjen e duhur të organizmit. Studime të tjera lidhin yndyrën e shëndetëshme me uljen e rrezikut të prekjes nga sëmundjet kardiovaskulare.

S.B/Shqiptarja.com

TAG:
• Plakja
• keshilla
• Hidratim
• fruta të kuqe
• aktivitet fizik