Këshilli Bashkiak i Durrësit i kërkon qeverisë subvencion për trajtimin e mbetjeve

Këshilli Bashkiak i Durrësit në një mbledhje online zhvilluar këtë të enjte vendosi që ti kërkojë qeverisë subvencion për trajtimin e mbetjeve. Në relacionin e siguruar nga Report tv thuhet:

"Të kërkohet nga Qeveria Shqiptare miratimi i subvencionimit të plotë të tarifës hyrëse për një afat 10 vjeçar sipas planit afatgjatë të buxhetit, duke qenë se Bashkia Durrës ka kaluar pasoja qoftë prej pandemisë globale ashtu dhe prej gjendjes së jashtëzakonshme shpallur si rrjedhim të goditjes nga tërmeti i 26 nentorit 2019".

Durrësi përpunon rreth 200 ton mbeturina në ditë dhe që prej vitit të kaluar kur u mbyll Porto Romano, bashkia u fut krizën e menaxhimin e mbetjeve. Vitin e kaluar nënshkroi një kontratë provizore me inceneratorin e Sharrës, kontratë që skadoi dy ditë më parë.

Në këto kushte, Këshilli Bashkiak kërkon nënshkrimin e një kontrate të gjatë me afat 10 vjecar me kompaninë koncesionare “Integrated Energy”, por në mungesë të buxhetit, kërkon subvencion nga qeveria për përpunimin e integruar të mbetjeve.

Vendimi i këshillit bashkiak të Durrësit është dërguar në Ministrinë e Financave, Bashkinë e Tiranës dhe operatorin privat të menaxhimit të plehrave në Sharrë. Burimet thanë se në mbledhje është rrëzuar skenari i parë për ngritjen e një landfilli të ri në territorin e Durrësit dhe me shumicë votash është miratuar skenari i dytë, ai i përpunimit të mbetjeve në inceneratorin e Sharrës. Ende nuk dihet se sa është fatura financiare që do të paguajë qeveria shqiptare për përpunimin e mbetjeve të Durrësit. Ajo që dihet është se me buxhetin e saj prej 5.5 milionë euro në vit bashkia e Durrësit ka parashikuar vetëm grumbullimin dhe transportin e mbetjeve nga Durrësi drejt Tiranës.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet