POP 5

Lajmet më të lexuara të 5 minutave të fundit

Politikë

Vendimet e Kushtetueses dhe Kuvendi/ Opozita nuk ‘shijon’ fitoret në GJK, PD bojkoton Këshillin e Legjislacionit për nismat e saj

PS pranon vërejtjet: “Zbatojmë vendimet e Kushtetueses për Rregulloren e Kuvendit!” Opozita bojkotoi punimet parlamentare, përfshirë edhe Këshillin e Legjislacionit në Kuvend, i cili po diskutonte tre fitore të PD-së në Gjykatën Kushtetuese

Tiranë- Opozita bojkotoi sot (1 Nëntor) punimet parlamentare, përfshirë edhe Këshillin e Legjislacionit në Kuvend, i cili po diskutonte tre fitore të PD-së në Gjykatën Kushtetuese.

Socialistët pranojnë vërejtjet e këtij organi për Rregulloren e Kuvendit, duke lejuar përjashtimet me 30-60 ditë vetëm për ata deputetë zjarrvënës.

Socialistët ishin të vetëm në tryezë, edhe këtë të premte kur në Këshillin e Legjislacionit në Kuvend duhet të ulnin kokën e t’i bindeshin Gjykatës Kushtetuese, pasi ajo kishte dhënë 3 vendime, të cilat detyronin ndërhyrje ligjore.

Në mungesë të demokratëve, Toni Gogu në emër të mazhorancës tha se PS do të zbatojë 100 % vendimin e Gjykatës Kushtetuese për Rregulloren e Kuvendit, vendim i cili nuk e lejon më përjashtimin e deputetit mbi 30 ditë, përveçse kur ai vendos zjarr.

Sinkron Toni Gogu Deputet i PS tha:

“Ne e zbatojmë katërcipërisht vendimet e Gjykatës Kushtetuese. Rregullorja nuk ka nevojë të rishkruhet, pasi nuk krijohet vakuum. Do të ruhet balanca mes të disiplinimit dhe lirisë së shprehjes”.

Ky votim nuk anulon dënimet e marra deri më tani nga deputetët e opozitës. Shumicës prej tyre, ndëshkimi ju mbaron në 11 nëntor.

Në vendimin e marrë qershorin e kaluar, Gjykata Kushtetuese shfuqizoi nenin e ri në Rregulloren e Kuvendit, e kaluar vetëm me votat e socialistëve, që fliste për dënime deri në 30 ditë për deputetët që ushtronin dhunë, pasi sipas togave të zeza krijonte hapësirë për arbitraritet.

Këshilli i Legjislacionit nuk mundi të vijonte me zbatimin e vendimit të Gjykatës Kushtetuese mbi ligjin për komisionet hetimore dhe tatimin ndaj profesionistëve të lirë, pasi mungonin deputetët përgjegjës, Eduard Shalsi dhe Ermonela Felaj.

A.Q/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Të lidhur me zinxhirë, njëri pas tjetrit! Shtëpia e Bardhë poston foto të emigrantëve ilegalë që po dëbohen nga SHBA

Të lidhur me zinxhirë, njëri pas tjetrit! Shtëpia e Bardhë poston foto të emigrantëve ilegalë që po dëbohen nga SHBA

24 Janar, 15:24