Lufta në Ukrainë/ BE marrëveshje për çmimin tavan të naftës ruse: Jo më shumë se 60 dollarë! Kremlini: Gati të flasim edhe me SHBA-të

Bashkimi Evropian ka arritur një marrëveshje për një çmim prej 60 dollarësh për fuçi për naftën ruse Ky është një hap kyç pasi sanksionet perëndimore synojnë të riorganizojnë tregun global të naftës për të parandaluar rritjen e çmimeve dhe për ta lënë presidentin Vladimir Putin pa financimin e nevojshëm për luftën e tij në Ukrainë.

Ata duhej të vendosnin çmimin e zbritur që vendet e tjera do të paguajnë deri të hënën, kur të hyjë në fuqi një embargo e BE-së ndaj naftës ruse të transportuar nga deti dhe një ndalim i sigurimit për këto furnizime. Kufiri i çmimit drejtohet nga Grupi i Shtatë demokracive më të pasura dhe ende ka nevojë për miratimin e tyre. Ai synon të parandalojë një humbje të papritur të naftës ruse në botë që mund të çojë në një rritje të re të çmimeve të energjisë.

Më herë u njoftua se Presidenti rus është i hapur për bisedime për Ukrainën, por nuk pranon kushtin e vendosur nga Joe Biden për të larguar trupat ruse nga territori ukrainas.

"Presidenti Vladimir Putin mbetet “i hapur për bisedime për të garantuar interesat e Rusisë”. Kështu deklaroi zëdhënësi i Kremlinit, Dmitry Peskov, i cituar nga agjencia Tass, pas ofertës së negociatave nga presidenti amerikan Joe Biden. Peskov shtoi se Moska e konsideron rrugën paqësore diplomatike si rrugën e preferuar për të arritur qëllimet e saj.

Megjithatë, Rusia e ka të pamundur të pranojë kushtin e vendosur nga presidenti amerikan Joe Biden për negociatat, pra që trupat e Moskës fillimisht të largohen nga territori ukrainas. Kjo u bë e ditur nga zëdhënësi i Kremlinit, Dmitry Peskov, i cituar nga agjencia RIA Novosti.

Raportohet se deri në 13 mijë ushtarë ukrainas janë vrarë që nga fillimi i pushtimit rus. Kjo shifër është bërë e ditur nga një zyrtar ukrainas. Mykhailo Podolyak, një këshilltar i presidentit ukrainas Volodymyr Zelensky, tha se midis 10,000 dhe 13,000 trupa kanë humbur jetën gjatë luftës në Ukrainë.  

Ukraina zakonisht nuk jep shifra për viktimat, ndërsa të dhënat e Podolyak ende nuk janë konfirmuar nga ushtria e vendit. Në qershor ai tha se midis 100 dhe 200 ushtarë ukrainas po vdisnin çdo ditë.

Ndërsa, presidenti ukrainas Volodymyr Zelensky në fjalimin e zakonshëm të mbrëmjes tha se më shumë se 1300 robër lufte ukrainas janë liruar nga rusët. Ai po ashtu raportoi lirimin e 50 të burgosurve, katër oficerë dhe 46 ushtarë të zakonshëm. 

Gjatë një bisede telefonike një orëshe mes dy liderëve Putin dhe Scholz, ky i fundit i dënoi sulmet ajrore ruse kundër infrastrukturës civile në Ukrainë dhe theksoi vendosmërinë e Gjermanisë për të mbështetur ukrainasit në sigurimin e aftësive të tyre mbrojtëse kundër agresionit rus.

Sekretari Antony Blinken e quajti të mundshëm dialogun midis Rusisë dhe Ukrainës për përfundimin e armiqësive, nëse Moska është ‘serioze’. Ai tha se konflikti në Ukrainë mund të përfundojë nesër, nëse Putini përfundon atë që filloi.

Në 24 orët e fundit 3 persona kanë humbur jetën pas bombardimeve ruse në rajonin jugor të Ukrainës, Kherson, ndërsa 7 të tjerë janë plagosur. E fundit u raportua nga guvernatori rajonal, Yaroslav Yanushevych. Ai tha se trupat ruse kishin bombarduar qytetin e Khersonit dhe pjesë të tjera të rajonit 42 herë gjatë ditës së fundit.

Presidenti ukrainas, Volodymyr Zelensky, ka nënshkruar një dekret që vendos kufizime në veprimtarinë e Kishës Ortodokse të vendit që ka lidhje me Patriarkanën e Moskës, ky vendim vjen pas dyshimeve për akte spiunazhi nga ana e Kremlinit. Sipas tij, Kievi do të vendosë gjithashtu sanksione personale ndaj një numri individësh, me listën që pritet të publikohet në të ardhmen e afërt. Pas nisjes së luftës në Ukrainë, Kisha Ortodokse ukrainase u shkëput nga Patriarkana e Moskës.

Një superjaht prej 200 milion dollarësh (163 milion £) në pronësi të Viktor Medvedchuk, një oligark dhe mik i Vladimir Putin i cili është nën sanksione, do të shitet në ankand pas bllokimit të tij në Kroaci në fillim të këtij viti. Medvedchuk, 68, një politikan ukrainas pro-Kremlinit, u arrestua në Ukrainë në prill dhe i'u dorëzua Rusisë në një shkëmbim të burgosurish në shtator. Ai shpesh përmendet si "princi i errët" i politikës ukrainase, por mediat bëjnë me dije se Putin është kumbari i vajzës së tij Daria.

Disa ambasadave të huaja ukrainase u janë dërguar "pako të përgjakshme" që përmbajnë sy kafshësh, ka pohuar Kievi, pas "letër-bombave" në Madrid. Pakot u dërguan në ambasadat e Kievit në Hungari, Holandë, Poloni, Kroaci dhe Itali.  Ata u dërguan gjithashtu edhe në konsullatat e përgjithshme në Napoli dhe Krakov.

Rendit zhvillimet sipas orarit:
Ora 22:51
Zelensky: Më shumë se 1000 ukrainas janë liruar nga robëria ruse

1669499709_reyertywre.jpeg

Më shumë se një mijë ukrainas janë liruar nga kapja ruse gjatë rrjedhës së luftës, tha Presidenti Volodymyr Zelensky. 

Presidenti ukrainas tha se vendi i tij duhet të kthejë të gjithë ata që u kapën nga forcat ruse, raportojnë mediat e huaja.

Rusia dhe Ukraina kanë organizuar një sërë shkëmbimesh të burgosurish gjatë luftës. 

Më e fundit ishte dje, kur të dy vendet shkëmbyen 50 anëtarë ushtarakë. 

Ora 22:08
OKB: Marrëveshja për centralin bërthamor të Zaporizhzhia do arrihet së shpejti

1670015119_zapo.PNG

Një marrëveshje për mbrojtjen e centralit bërthamor më të madh në Evropë mund të arrihet së shpejti, ka thënë mbikëqyrësi bërthamor i OKB-së. 

Kreu i Agjencisë Ndërkombëtare të Energjisë Atomike (IAEA), Rafael Grossi, tha se marrëveshja është "pothuajse e arritur", raportojnë mediat e huaja.

"Më besoni, tani ne kemi një propozim në tryezë, i cili thjesht synon të ndalojë marrëzinë e bombardimit të termocentralit më të madh bërthamor në Evropë", tha ai. 

Termocentrali bërthamor është aktualisht nën kontrollin rus dhe ka rënë nën granatimet e përsëritura, për të cilat Moska dhe Kievi kanë shkëmbyer fajin. 

Ditën e djeshme, instituti i lidhur me Ushtrinë Britanike RUSI tha se dokumentet ruse të kapura zbuluan se Moska kishte planifikuar të pushtonte centralet bërthamore të Ukrainës me qëllimin e pjesshëm për të shantazhuar Perëndimin. 

IAEA ka kërkuar që të krijohet një zonë sigurie rreth uzinës për të mbrojtur kundër një aksidenti të mundshëm bërthamor.

Më herët sot, agjencia ruse e lajmeve RIA tha se Moska kishte përshkruar pozicionin e saj për krijimin e një zone të tillë dhe ishte në pritje të një përgjigjeje.

Ora 21:54
Jo më shumë se 60 dollarë, BE marrëveshje për çmimin tavan të naftës ruse

1670014555_Screenshot3.jpg

Bashkimi Evropian ka arritur një marrëveshje për një çmim prej 60 dollarësh për fuçi për naftën ruse Ky është një hap kyç pasi sanksionet perëndimore synojnë të riorganizojnë tregun global të naftës për të parandaluar rritjen e çmimeve dhe për ta lënë presidentin Vladimir Putin pa financimin e nevojshëm për luftën e tij në Ukrainë.

Ata duhej të vendosnin çmimin e zbritur që vendet e tjera do të paguajnë deri të hënën, kur të hyjë në fuqi një embargo e BE-së ndaj naftës ruse të transportuar nga deti dhe një ndalim i sigurimit për këto furnizime. Kufiri i çmimit drejtohet nga Grupi i Shtatë demokracive më të pasura dhe ende ka nevojë për miratimin e tyre. Ai synon të parandalojë një humbje të papritur të naftës ruse në botë që mund të çojë në një rritje të re të çmimeve të energjisë.

Shifra prej 60 dollarësh është një kufi afër çmimit aktual të naftës së papërpunuar të Rusisë, i cili ra këtë javë në nën 60 dollarë për fuçi dhe ka për qëllim të parandalojë një reduktim të mëtejshëm të naftës ruse në tregun botëror pas hyrjes në fuqi të sanksioneve të reja perëndimore ndaj Moskës.

Kjo është një zbritje e madhe duke marrë parasysh se nafta e papërpunuar të ejten tregtohej me një çmim prej 87 dollarësh për fuçi, por mund të jetë i pranueshëm për Moskën, pavarësisht se ajo e kundërshton idenë e vendosjes së një kufiri të tillë.

Nafta është burimi kryesor i të ardhurave financiare të Kremlinit dhe e ka mbajtur ekonominë ruse në këmbë deri më tani, pavarësisht ndalimit të eksporteve, sanksioneve dhe ngrirjes së aseteve të bankës qendrore ruse që hynë në fuqi pas fillimi të agresionit rus ndaj Ukrainës në shkurt të këtij viti. Rusia eksporton afërsisht 5 milionë fuçi naftë në ditë./ VOA

Ora 21:21
Ku qëndrojnë gjërat në negociatat mes Rusisë dhe Ukrainës?

1670012295_rr.PNG

Një nga fjalët kyçe të ditës së sotme është negocimi. Presidenti i SHBA-së, Joe Biden, disa orë më parë tha se ai do të ishte i gatshëm të ulet për bisedime me Vladimir Putin nëse udhëheqësi rus është i interesuar t'i japë fund luftës. 

Bisedimet duket se nuk kanë gjasa të ndodhin së shpejti, duke qenë se Rusia dhe SHBA kanë ide shumë të ndryshme se çfarë do të përfshinte një marrëveshje paqeje: Moska dëshiron të mbajë territorin që ka pushtuar në Ukrainë dhe Uashingtoni dëshiron që këto zona t'i kthehen Ukrainës dhe të happen gjykatat për krimet e luftës. 

A mund të ulen Rusia dhe Ukraina për bisedime?

Mesa duket kjo është e pamundur. Zyrtarët e të dyja palëve kishin zhvilluar bisedime në fillim të pushtimit, por asnjëra nga palët nuk duket e gatshme të bëjë një hap para për të zhvilluar një bisedim, raportojnë mediat e huaja.

Janë ngritur pyetje nëse Ukraina duhet t'i bëjë lëshime Rusisë për t'i dhënë fund luftës, si p.sh. me dorëzimin e pjesëve të rajonit lindor të Donbasit, por Ukraina dhe disa nga aleatët e saj kanë marrë një qëndrim të vendosur kundër kësaj. 

Polonia dhe shtetet baltike, së bashku me Britaninë e Madhe, kanë thënë vazhdimisht se nuk duhet të ketë presion ndaj Ukrainës për të bërë lëshime. Ata gjithashtu argumentojnë se është një gjë e gabuar të hysh në diskutime me Vladimir Putin. 

Franca dhe Gjermania janë përpjekur të mbajnë dialog të hapur me Putinin, të cilët duan që bisedimet të fillojnë relativisht shpejt. Këtë javë, kancelari gjerman Olaf Scholz deklaroi se do të dëshironte të shihte që Evropa të kthehej në "rendin e paqes" të paraluftës nëse Rusia pranon të ndalojë agresionin kundër fqinjëve të saj. 

Të tjerë kanë argumentuar se nëse Ukraina do të lejonte Rusinë të mbante territorin që ka pushtuar që nga viti 2014, si Krimea dhe Donbasi, kjo mund ta bënte një marrëveshje më të mundshme. 

Megjithatë, Ukraina i ka bërë të qarta synimet e saj për të rimarrë territorin e aneksuar të Krimesë në një moment në të ardhmen. 

Ora 19:15
Mediat e huaja: Pse Vladimir Putin nuk do të gjykohet kurrë për krime lufte në Ukrainë?

1670004679_putin.PNG

Teksa lufta në Ukrainë po zgjat prej muajsh, shumë politikanë kanë argumentuar se presidenti rus, Vladimir Putin duhet të shkojë në gjykatë. Por nga pikëpamja juridike është jashtëzakonisht e vështirë, për arsye se një traktat paqeje i arsyeshëm do të ishte më i rëndësishëm.

Media gjermane “Welt” e konsideron këtë mundësi të pamundur, teksa thekson se “politikanët duhet të kenë ndershmërinë e nevojshme që të mund të përafrojnë indinjatën e tyre me realitetin. Putini nuk do të sillet kurrë para drejtësisë dhe jo sepse ai nuk meriton një dënim, por sepse nuk ka asnjë rekurs ligjor kundër tij”.

Është e mundur të ndiqen penalisht krimet e luftës dhe të sillen të akuzuarit para një gjykate jashtë vendit. Megjithatë, që kjo të ndodhë, shteti, presidenti i të cilit do të gjykohet, duhet të ketë nënshkruar Statutin e Romës të Gjykatës Penale Ndërkombëtare. Rusia nuk e bëri kurrë këtë.

Kryeprokurori në Hagë tashmë po heton kundër kreut të shtetit rus. Por më shumë nuk është e mundur. I mungon mandati. Dhe edhe nëse Moska do të kishte nënshkruar statutin e vitit 1998, Haga nuk do të lejohej të fajësonte një kryetar shteti derisa personi të mos ishte më në detyrë. Në rastin e Putinit, kjo ndoshta do të marrë pak kohë.

Megjithatë, duke pasur parasysh seriozitetin e krimeve, një ose më shumë shtete apo edhe Bashkimi Evropian mund të thërrasin një gjykatë. Megjithatë, kjo do të merrte legjitimitetin e nevojshëm vetëm nëse jepet nga Këshilli i Sigurimit i Kombeve të Bashkuara . Rusia dhe Kina ulen në këtë trup. Vetoja juaj do të ishte e sigurt. Pra jashtë ëndrrës.

Dimensioni politik mbetet. Synimi duhet të jetë që herët a vonë të negociohet armëpushimi më i mirë i mundshëm për Ukrainën. Ky armëpushim nuk do të bëhet paqe fitore. Rusia është shumë e fuqishme për këtë. Pra, do të duhet të ketë lëshime.

Kushdo që kërkon jo vetëm fundin e luftës, por edhe atë të kryekomandantit suprem që në fillim, përjashton çdo mirëkuptim dhe në fund të fundit mbështetet në një disfatë të plotë ruse , nëse jo në një paqe në Kartagjenë. Ndoshta një ide mashtruese, por mbi të gjitha një budallallëk. Nëse i mposhtni dhe fitoni luftën, keni ende dyshimet që vijnë me historinë. Traktati i Versajës tregoi se çfarë ndodh kur poshtëroni shtetet dhe përpiqeni t'i izoloni ato përgjithmonë. 

Ora 17:46
Kremlini i përgjigjet takimit të Biden dhe Putin

1669621358_wqerqwerq.jpg

Kremlini tha sot se Presidenti Vladimir Putin është i hapur për bisedime mbi një zgjidhje të mundshme mbi Ukrainën, por shtoi se refuzimi i Shteteve të Bashkuara për të njohur territoret e aneksuara nga Moska, po bëhet pengesë për një kompromis të mundshëm.

“Mënyra më e preferuar për të arritur qëllimet tona është nëpërmjet mjeteve paqësore e diplomatike”, tha zoti Dimitri Peskov. “Putini ka qenë, është dhe mbetet i hapur për kontakte e negociata”, shtoi ai.

Rusia ka shpallur aneksimin e rreth një të pestës së territorit të vendit ish-sovjetik, Ukrainës, gjë që Perëndimi dhe Kievi thonë se nuk do ta pranojnë ndonjëherë. Kremlini thotë se kjo është pengesë për gjetjen e një kompromisi të mundshëm.

I pyetur nëse Moska shihte një mundësi për negocita pas deklaratës mbi këtë çështje të presidentit Biden, zoti Peskov tha se “në thelb, zoti Biden u shoreh se negociatat janë të mundshme vetëm pasi Putini të largohet nga Ukraina”.

Kremlini, tha zoti Peskov, nuk mund ta pranonte këtë gjë, duke shtuar se ai që Moska e quan një operacion i posaçëm ushtarak, do të vazhdojë në Ukrainë.

Ukraina dhe Perëndimi thonë se presidenti Putin nuk ka asnjë justifikim për atë që ata e konsiderojnë si një luftë pushtuese të stilit perandorak. Kievi thotë se do të luftojë derisa ushtari i fundit rus të largohet nga territori i vendit./VOA

Ora 17:42
Rusia teston raketën e re të sistemit të mbrojtjes ajrore në Kazakistan

1669967070_pp.JPG

Moska ka testuar një raketë të re të sistemit të mbrojtjes ajrore në Kazakistan. Lajmin e bëri të ditur ministria ruse e Mbrojtjes.

Sipas asaj që deklarojnë rusët, raketa u lëshua nga qendra e testimeve Sary Shagan të premten. Po ashtu u bë e ditur se testi rezultoi i suksesshëm, por detaje të tjera nuk u dhanë, raportojnë mediat e huaja.

Kujtojmë se disa ditë më parë presidenti rus Vladimir Putin dhe homologu i tij i Kazakistanit, Kassym-Jomart Tokayev firmosën një dokument bashkëpunimi pasi dy vendet shënuan tri dekada të bashkëpunimit diplomatik.

Në Deklaratën e 30-vjetorit të Vendosjes së Marrëdhënieve Diplomatike u përsëritën përpjekjet për të thelluar bashkëpunimin bilateral në politikë, ekonomi, mbrojtje, kulturë, edukim, kujdes shëndetësor dhe sporte.

Ora 17:29
Stoltenberg: NATO nuk do të përfshihet në luftën e Putin

1669741756_stol.PNG

Sekretari i Përgjithshëm i NATO-s Jens Stoltenberg premtoi mbështetje të vazhdueshme për Ukrainën, por gjithashtu vuri në dukje se aleanca do të mbetet e kujdesshme për të shmangur një luftë më të gjerë me Rusinë, raportojnë mediat e huaja.

“NATO nuk është palë në konflikt. Ne nuk do të tërhiqemi në luftën e Putinit”, tha Stoltenberg në një konferencë të përbashkët shtypi me kancelarin gjerman Olaf Scholz, pas takimit të tyre në Berlin.

Sekretari i Përgjithshëm i NATO-s akuzoi presidentin rus Vladimir Putin për bombardimin e qëllimshëm të infrastrukturës civile dhe energjetike të Ukrainës, për të ngrirë dhe për t’i lënë ukrainasit të nënshtrohen.

“Putini po përdor dimrin si armë. Dhe ne nuk mund ta lejojmë atë të fitojë. Në këtë moment kritik, mbështetja jonë e vazhdueshme për Ukrainën është më e rëndësishme se kurrë”, tha ai.

Stoltenberg falenderoi qeverinë gjermane për mbështetjen financiare dhe ushtarake për Ukrainën.

“Gjermania është ndër aleatët që ofron më shumë ndihmë ushtarake, financiare dhe humanitare për Ukrainën. Pajisjet ushtarake të ofruara nga Gjermania mbrojnë shtëpitë, shkollat ​​dhe spitalet ukrainase nga sulmet me raketa ruse”, tha ai.

Ora 17:24
Blinken: Nëse Putin dëshiron, lufta mund të përfundojë nesër

1669831528_blkinken.PNG

Sekretari Antony Blinken e quajti të mundshëm dialogun midis Rusisë dhe Ukrainës për përfundimin e armiqësive, nëse Moska është ‘serioze’.

“Nëse ka një qëndrim serioz nga ana e Rusisë, atëherë dialogu është gjithmonë i mundur“, tha ai në një intervistë për kanalin televiziv France 2, raportojnë mediat e huaja.

Ai vuri në dukje se Presidenti i Ukrainës, Volodymyr Zelensky, po kërkon një zgjidhje diplomatike, raportojnë mediat e huaja.

“Presidenti Zelensky ka propozuar planin e tij për një zgjidhje paqësore. Gjithçka varet nga Putini. Ka një rrugëdalje nga konflikti në Ukrainë, por kjo varet tërësisht nga vendimet e marra në Moskë, nga vendimet e presidentit Putin”, tha Blinken.

Sipas Blinken, konflikti në Ukrainë mund të përfundojë nesër, nëse Putini përfundon atë që filloi.

Ora 17:05
3 të vrarë dhe 7 të plagosur në Kherson

1669996900_kherson.PNG

Në 24 orët e fundit 3 persona kanë humbur jetën pas bombardimeve ruse në rajonin jugor të Ukrainës, Kherson, ndërsa 7 të tjerë janë plagosur.

E fundit u raportua nga guvernatori rajonal, Yaroslav Yanushevych. Ai tha se trupat ruse kishin bombarduar qytetin e Khersonit dhe pjesë të tjera të rajonit 42 herë gjatë ditës së fundit, raportojnë mediat e huaja.

Qyteti i Kherson u çlirua nga forcat ukrainase në mes të nëntorit pas disa muajve të pushtimi rus, por ka mbetur i rrezikuar nga trupat ruse që u tërhoqën në anën e kundërt të lumit Dnipro.

Kherson është përballur me probleme të përsëritura me furnizimin me energji elektrike. Yanushevych tha të enjten se energjia kishte humbur përsëri pasi ishte rivendosur kohët e fundit.

Ora 16:58
Zelensky: Do të propozojmë ndalimin e organizatave fetare

1669499709_reyertywre.jpeg

Presidenti ukrainas, Volodymyr Zelensky, ka nënshkruar një dekret që vendos kufizime në veprimtarinë e Kishës Ortodokse të vendit që ka lidhje me Patriarkanën e Moskës, ky vendim vjen pas dyshimeve për akte spiunazhi nga ana e Kremlinit, raportojnë mediat e huaja.

Para disa muajsh, shërbimet sekrete të Ukrainës nisën një veprim kundër inteligjencës në disa vende të Kishës Ortodokse ukrainase në tre rajone. Bastisjet kishin në shënjestër të paktën tetë objekte fetare të premten me qëllim identifikimin e individëve të dyshuar për minimin e sovranitetit të Ukrainës.

Zelensky tha: “Para së gjithash, Shërbimi Kombëtar dhe Këshilli i Mbrojtjes ka udhëzuar qeverinë t’i propozojë Parlamentit një projektligj për ndalimin e aktiviteteve në Ukrainë të organizatave fetare të lidhura me qendrat e ndikimit të Federatës Ruse”.

Sipas Zelenskyt, Kievi do të vendosë gjithashtu sanksione personale ndaj një numri individësh, me listën që pritet të publikohet në të ardhmen e afërt. Pas nisjes së luftës në Ukrainë, Kisha Ortodokse ukrainase u shkëput nga Patriarkana e Moskës.

Ora 16:37
Mik i ngushtë me Putin, del në ankand jahti i oligarkut rus

1669995061_jaht.PNG

Një superjaht prej 200 milion dollarësh (163 milion £) në pronësi të Viktor Medvedchuk, një oligark dhe mik i Vladimir Putin i cili është nën sanksione, do të shitet në ankand pas bllokimit të tij në Kroaci në fillim të këtij viti.

Qeveria ukrainase tha se një gjykatë kroate kishte vendosur që jahti Royal Romance 92.5 metra i Medvedchuk duhet t'i transferohej Agjencisë ukrainase të Rimëkëmbjes dhe Menaxhimit të Aseteve (Arma), e cila tha se do të "ruante vlerën ekonomike duke e shitur atë në ankand", raportojnë mediat e huaja.

“Royal Romance”, i cili është ndërtuar nga kontraktori holandez i superjahteve “Feadship” në vitin 2005, është i përbërë nga kabina për 14 të ftuar dhe një hapësirë të madhe, ku përfshihet një pishinë 4 metra e gjerë.

Kjo do të ishte shitja e parë e tillë në emër të popullit të Ukrainës që kur qeveritë perëndimore vendosën kufizime në asetet e qindra oligarkëve pas pushtimit rus të Ukrainës në shkurt.

Medvedchuk, 68, një politikan ukrainas pro-Kremlinit, u arrestua në Ukrainë në prill dhe i'u dorëzua Rusisë në një shkëmbim të burgosurish në shtator. Ai shpesh përmendet si "princi i errët" i politikës ukrainase, por mediat bëjnë me dije se Putin është kumbari i vajzës së tij Daria.

Ora 15:52
Zyrtarët ukrainas: 13 mijë trupa ukrainas janë vrarë në luftë

1669908287_ruru.PNG

Një zyrtar i lartë i ushtrisë ukrainase bën me dije se të paktën 13 mijë ushtarë vendas kanë humbur jetën që nga nisja e ofensivës së Rusisë në muajin shkurt.

Gjatë një konferencë për mediat, këshilltari i presidentit Zelensky, Mykhailo Podolyak, vlerësoi se afro 10 muaj luftë, rreth 10-13 mijë trupa janë vrarë në betejë.

Deri në këto momente që flasim, asnjë nga palët luftuese nuk ka dhënë një numër të saktë të fataliteteve në luftime, ndërkohë që në qershor, Podolyak shprehej se çdo ditë humbin jetën 100 deri 200 luftëtarë ukrainas. raportojnë mediat e huaja.

Muajin e kaluar, në një tjetër vlerësim për bilancet e luftës, gjenerali amerikan, Mark Milley u shpreh se 100 mijë trupa ruse dhe po aq ukrainas janë vrarë apo plagosur që prej fillimit të përballjes ushtarake.

Ora 15:40
Tronditen ambasadat e Ukrainës në BE, mbërrijnë 'pako të përgjakshme' që përmbajnë sy kafshësh

1669991813_madrid.PNG

Disa ambasadave të huaja ukrainase u janë dërguar "pako të përgjakshme" që përmbajnë sy kafshësh, ka pohuar Kievi, pas "letër-bombave" në Madrid.

Pakot u dërguan në ambasadat e Kievit në Hungari, Holandë, Poloni, Kroaci dhe Itali.  Ata u dërguan gjithashtu edhe në konsullatat e përgjithshme në Napoli dhe Krakov.

Ata u pritën edhe nga konsullatat e përgjithshme në Napoli dhe Krakov, raportojnë mediat e huaja.

Disa pako të dyshimta u zbuluan në Spanjë këtë javë, përfshirë një në zyrën e kryeministrit spanjoll, ambasadën ukrainase dhe në një kompani armësh që furnizon Ukrainën.

Është e paqartë nëse incidentet janë të lidhura me njëra-tjetrën, por dy letra të dërguara në Spanjë duket se kanë ardhur nga i njëjti dërgues, pasi një adresë identike emaili u gjet në paketim.

Ora 14:52
Putin bisedë telefonike me Scholz: Kancelari gjerman i kërkon të tërheq trupat nga Ukraina! Lideri rus: Politika shkatërruese perëndimore

Vladimir Putin dhe Olaf Scholz 

Kancelari gjerman Olaf Scholz i bëri thirrje të premten presidentit rus Vladimir Putin që të tërheqë trupat e tij nga Ukraina në mënyrë që të arrihet një "zgjidhje diplomatike" për luftën që filloi me pushtimin e Ukrainës më 24 shkurt.

Gjatë një bisede telefonike një orëshe mes dy liderëve, Scholz dënoi sulmet ajrore ruse kundër infrastrukturës civile në Ukrainë dhe theksoi vendosmërinë e Gjermanisë për të mbështetur ukrainasit në sigurimin e aftësive të tyre mbrojtëse kundër agresionit rus.

"Gjermania është e vendosur të vazhdojë të mbështesë Ukrainën kundër agresionit rus," tha zëdhënësi i qeverisë gjermane  Steffen Hebestreit .

Scholz i kërkoi Putinit të tërheqë trupat ruse sa më shpejt të jetë e mundur, por presidenti rus e përdori thirrjen për të denoncuar "vijën shkatërruese" të Perëndimit ndaj Ukrainës, duke thënë se sulmet kundër infrastrukturës energjetike të Ukrainës ishin "të nevojshme dhe të pashmangshme".

“Është vënë në dukje se forcat e armatosura ruse kanë shmangur prej kohësh sulmet me raketa me precizion të lartë ndaj objektivave të caktuara në Ukrainë, por masa të tilla janë bërë të nevojshme dhe të pashmangshme përballë sulmeve provokuese nga Kievi”, tha Kremlini në një deklaratë pas telefonata e parë mes Scholz dhe Putin që nga mesi i shtatorit.

Nga ana tjetër, Putin gjatë bisedës e përshkroi linjën e vendeve perëndimore në Ukrainë si "shkatërruese", duke i akuzuar ato për armë të furnizuara për ushtrinë ukrainase. Këtë e raporton Kremlini, raporton Tass.

“Vëmendja u drejtohet shteteve perëndimore, përfshirë Gjermaninë, të cilat kanë forcuar regjimin e Kievit me armë dhe kanë trajnuar ushtrinë ukrainase”, tha Kremlini në një deklaratë.

Ora 14:33
Denoncimi i Ukrainës: Pako me gjak kanë mbërritur në ambasadat tona në 5 vende të Evropës


Pako me gjak e me sy kafshësh janë dërguar në ambasadat dhe konsullatat e Ukrainës në pesë vende evropiane. Ministria e Jashtme e Ukrainës e denoncon këtë, siç raporton UNIAN, duke thënë se kërcënimet kanë mbërritur në ambasadat e Ukrainës në Hungari, Holandë, Poloni, Kroaci, Itali, konsullatat e përgjithshme në Napoli, Krakov dhe konsullata në Brno (Republika Çeke). 

“Persona të panjohur kanë dëmtuar edhe hyrjen e rezidencës së ambasadorit të Ukrainës në Vatikan. Një fushatë e planifikuar mirë terrori dhe frikësimi ndaj ambasadave dhe konsullatave të Ukrainës është duke u zhvilluar," u shpreh Ministri i Jashtëm i Ukrainës, Dmitry Kuleba.

Ora 13:42
Papa Françesku: Dëme të pallogaritshme për viktimat dhe nga kriza energjetike në Ukrainë


"Globalizimi i problemeve rishfaqet sot në lidhje me konfliktin dramatik të luftës që po zhvillohet brenda Evropës, midis Rusisë dhe Ukrainës". Kështu u shpreh Papa Françesku në Mesazhin dërguar Konferencës VIII të Dialogëve të MED të Romës. 

“Nga lufta, përveç dëmeve të pallogaritshme të çdo lufte për viktimat civile dhe ushtarake, pasojnë kriza energjitike, kriza financiare, kriza humanitare – nënvizon Papa – për kaq shumë njerëz të pafajshëm të detyruar të lënë shtëpitë e tyre dhe të humbasin prona më e shtrenjtë dhe, së fundi, kriza ushqimore, e cila prek një numër në rritje njerëzish në mbarë botën, veçanërisht në vendet më të varfra”, tha Papa Françesku.

Ora 11:36
Kremlini: Putin i hapur për bisedime për Ukrainën, por jo me kushtet e Joe Biden

Presidenti rus Vladimir Putin mbetet “i hapur për bisedime për të garantuar interesat e Rusisë”. Kështu deklaroi zëdhënësi i Kremlinit, Dmitry Peskov, i cituar nga agjencia Tass, pas ofertës së negociatave nga presidenti amerikan Joe Biden. Peskov shtoi se Moska e konsideron rrugën paqësore diplomatike si rrugën e preferuar për të arritur qëllimet e saj.

Megjithatë, Rusia e ka të pamundur të pranojë kushtin e vendosur nga presidenti amerikan Joe Biden për negociatat, pra që trupat e Moskës fillimisht të largohen nga territori ukrainas. Kjo u bë e ditur nga zëdhënësi i Kremlinit, Dmitry Peskov, i cituar nga agjencia RIA Novosti.

S.C/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Loni: 02/12/2022 10:55

    Me duket qe lerohen roberit e thjesht Rus e ukraina Kurse mercenaret nga te dyja palet kane fund te keqe

    Përgjigju
  • Sondazhi i ditës:

    Bandat survejojnë Policinë, a është ky triumf i krimit ndaj shtetit?



×

Lajmi i fundit

Çështja e McGonigal ‘s’lë rehat’ as ‘Sigurinë’, Salianji: Ai ka bërë lëmsh gjithë dynjanë ne merremi me tema sporti, e ke takuar ti? Peleshi: Jo, por s’do ishte mëkat

Çështja e McGonigal ‘s’lë rehat’ as ‘Sigurinë’, Salianji: Ai ka bërë lëmsh gjithë dynjanë ne merremi me tema sporti, e ke takuar ti? Peleshi: Jo, por s’do ishte mëkat