Institucionet e Kosovës kanë bërë dje inspektime mbi qëndrueshmërinë fizike të Urës së Ibrit kurse sot edhe testime me kamionë që kaluan mbi të, pasi qeveria ka paralajmëruar hapjen e saj.
Zëvendësministri i Infrastrukturës, Hysen Durmishi, i cili qëndroi në Mitrovicë gjatë testimit të Urës, tha para mediave se ky veprim është “në koordinim me KFOR-in”.
Mirëpo, misioni i NATO-s në Kosovë, KFOR-i, raporton Klankosova.tv i ka demantuar këto pretendime, duke thënë se zhvillimet në urë s’kanë qenë të koordinuara me ta.
“Jemi në dijeni të raportimeve se inspektimi teknik i urës mbi lumin Ibër në Mitrovicë është koordinuar me misionin e KFOR-it të udhëhequr nga NATO. Kjo nuk është e vërtetë”, tha një zëdhënës i KFOR-it.
Më tej, ky zëdhënës tha se nuk janë të përfshirë në asnjë mënyrë në këtë situatë dhe se për inspektimin fillestar të ditës së djeshme (e mërkurë), janë njoftuar nga drejtori i Policisë së Kosovës, Gazmend Hoxha, vetëm disa orë para se të niste procesi.
“Deklarata jonë e datës 6 gusht 2024 ishte e qartë: Komandanti i KFOR-it, gjeneralmajori Ozkan Ulutash, është njoftuar nga drejtori i Policisë së Kosovës ditën e inspektimit fillestar, vetëm disa orë para se ai të niste”, ka thënë një zëdhënës i KFOR-it.
Gjatë ditës së djeshme janë bërë inspektime mbi qëndrueshmërinë fizike të urës së Lumit Ibër, ndërsa sot janë bërë testime të saj me kamionë të cilët kaluan përmbi urë.
Krejt kjo u bë pasi qeveria ka paralajmëruar kohë më parë se ura mbi lumin Ibër, që lidh dy Mitrovicat, duhet të hapet edhe për qarkullim të automjeteve./Klankosova tv
Lajme të tjera
-
Protestë e serbëve kundër hapjes së urës kryesore mbi lumin Ibër në Mitrovicë
7 Gusht, 17:49 -
Komandanti i KFOR-it bisedon me shefin e ushtrisë serbe për gjendjen e sigurisë në Kosovë
7 Gusht, 17:14 -
KFOR-i pas inspektimeve te ura e Ibrit: Nuk do të hezitojmë të merremi me çdo zhvillim që mund të prekë stabilitetin
6 Gusht, 17:51 -
Plagosja e 93 ushtarëve të KFOR, në pranga serbi që ushtroi dhunë ndaj forcave të sigurisë në Zveçan
25 Korrik, 12:20 -
Kosovë/ Sulmohet me molotov lokali ku qëndroi ministri Sveçla
14 Korrik, 12:24 -
Digjen dy kamionë në veri të Kosovës, dëmtohet edhe një veturë
9 Korrik, 10:27 -
Dënohet me 15 muaj burgim dhe 12 mijë euro gjobë i akuzuari për sulm ndaj KFOR-it dhe Policisë në Zveçan
24 Qershor, 15:21 -
25-vjetori i çlirimit, 1500 pjestarë të FSK dhe Policia e Kosovës marshim në shesh! Uron dhe Bill Clinton! Ish-sekretari i NATO: Krenar për atë që bëmë
12 Qershor, 08:26 -
9 qershor ‘99/ Marrëveshja e Kumanovës që “vulosi” çlirimin e Kosovës
10 Qershor, 15:49 -
Qeveria gjermane zgjat mandatin e ushtarëve të KFOR-it
30 Maj, 21:53 -
Vjosa Osmani: Autorët e sulmit ndaj KFOR-it ende vrapojnë të lirë nëpër Serbi
30 Maj, 16:51 -
Komandanti i KFOR-it bisedon me shefin e ushtrisë serbe për gjendjen e sigurisë në rajon
29 Maj, 19:38
