Serbët mund të vaksinohen kundër virusit Corona në rreth 200 qendra. Kjo është e mundur vetëm me ndihmën nga jashtë - por vaksina nuk vjen nga Evropa Perëndimore.
Një nga qendrat e vaksinimit është hapur në panairin e Beogradit, jo shumë larg bregut të lumit Sava. Qindra të moshuar presin me durim në radhë për vaksinim, ndonjëherë me orë të tëra. Ndryshe nga shumë njerëz që shëtisin nëpër qendër të qytetit, ata mbajnë maska. Për të marrë orarin e vaksinimit këta të moshuar janë regjistruar më parë në internet. Në godinën e panairit, infermierët i drejtojnë ata në dhjetra stenda ku do të vaksinohen - kryesisht me vaksinën kineze Sinopharma.
Pekini ka dërguar një milionë vaksina në Serbi. Bëhet fjalë për të ashtuquajturën "vaksina e vdekur”, siç përdoret edhe kundër difterisë ose poliomelitit. Avantazhi: Vaksina është më e lirë dhe mund të gjendet më lehtë se vaksinat e mARN të BioNTech dhe Pfizer ose vaksinat e Modernës. Sipas informacioneve nga Kina, Bahreini dhe Peruja, megjithatë efikasiteti i kësaj vaksine do të duhej të jetë 75 deri në 80%.
"Shpëtimtari i kombit" siguron vaksinat
"Vaksina më e mirë është ajo që e kemi në dorë", thotë Marija Obradoviq. Ministrja për Administratën Publike vlerëson se 35.000 ampula jepen çdo ditë. 172.000 serbë janë vaksinuar deri tani (që nga e diela - 24.01- në mbrëmje). Ministrja së pari i përshëndet mjekët dhe infermierët, pastaj vaksinohet edhe vet.
Presidenti Aleksandar Vuçiq i ka pritur vet kontigjentet e furnizimit me vaksina në Aeroportin e Beogradit, me fjalët më mirënjohëse në adresë të Pekinit. Në shtypin pro-qeveritar të Serbisë, ai gjithmonë paraqitet si "shpëtimtari i kombit", si një njeri i cili vazhdimisht kontakton qeveritë dhe autoritetet anembanë globit për të siguruar vaksina për popullin e tij.
Infrastruktura mjekësore e Serbisë, e cila është modeste krahasuar me Perëndimin, nuk përmendet në media. Nuk flitet shumë as për mosbesimin e shumë qytetarëve ndaj shifrave të publikuara të të sëmurëve me virusin Corona. Zyrtarisht thuhet se në Serbi janë infektuar 384.000 njerëz, nga shtatë milionë banorë sa ka ky vend. Ndërsa nga kjo sëmundje kanë vdekur 3886 serbë.
Ampulat e vaksinimit si një propagandë
Presidenti Vuçiç premton ndërtimin e fabrikave për prodhimin e vaksinave, si dikur në kohën e Jugosllavisë. Mediat njoftojnë se teknologjia e përshtatshme për prodhimin e vaksinave do të vijë nga Moska. Serbia dëshiron ta prodhojë vetë vaksinën ruse. Deri atëherë, Rusia ka në plan të dërgojë qindra mijëra ampula të vaksinës Sputnik 5 në Serbi.
Kina ka pasur një sukses të madh propagandues me shpërndarjen e vaksinës së saj, deklaron analisti politik Jaksa Shçekiq. Ndërsa shtetet perëndimore kanë mundur të sigurojnë vetëm disa mijëra ampula të vaksinës Pfizer dhe BioNTech, Pekini ka dërguar shumë. "Shokët e vërtetë e tregojnë veten e tyre në kohë të vështirë". Kjo është mënyra se si shumë serbë do të interpretojnë ndihmën nga Pekini, thotë 67-vjeçari. Qeveritë në Kinë dhe Rusi po bëjnë politikë me shpërndarjen e vaksinave. Nga ana tjetër, qeveritë perëndimore duhet të koordinojnë gjërat brenda BE-së, për shembull, dhe të mendojnë edhe për ekonomitë e veta.
Konkurrenca e fuqive të mëdha
Edhe Danijel Pantiq mendon ngjashëm në një intervistë për DW. Analisti 50-vjeçar, i orientuar nga Perëndimi, flet për konkurrencën midis fuqive të mëdha kur bëhet fjalë për luftimin e virusit Corona. Në sytë e shumë serbëve, Kina është përpara. Besimi i serbëve në aftësinë vepruese të Bashkimit Evropian po zvogëlohet. "Është një krizë ekzistenciale për ne", thotë ai. "Tani kemi nevojë për ndihmë si rrallë më parë, e ndihma nuk po vjen nga Perëndimi, por nga Kina dhe Rusia." Serbia, si një vend i vogël, varet nga ndihma e shteteve të tjera. Në Ballkanin Perëndimor, vetëm Serbia dhe Shqipëria kanë filluar të vaksinojnë popullatat e tyre deri më tani. Bosnja, Kosova, Mali i Zi dhe Maqedonia e Veriut janë ende në pritje të dorëzimit të sasive të mëdha të vaksinave nga jashtë.
Kërkimi i partnerëve në Lindje
Kina po përpiqet të përfitojë politikisht nga situata. Ajo tregon se është një partnere e aftë për veprim të shpejtë dhe nuk ka nevojë të presë si në vendet e tjera. Daniel Pantiq kujton përfshirjen e Pekinit në projektet ndërshtetërore të infrastrukturës në Evropën Juglindore. Paraqitja me një vetëbesim të theksuar ka lënë efektet e veta, thotë ai. Gjithnjë e më shumë të rinj serbë mësojnë gjuhën e tyre. Besimi se Serbia mund të bëhet anëtare e BE në një të ardhme të parashikueshme po zvogëlohet. Pantiq thotë se Serbia nuk ka pasur asnjë vështirësi për t'u bërë pjesë e Bashkimit Ekonomik Euroaziatik.
Ngjashëm me Serbinë, edhe disa shtete të tjera të Evropës Qendrore e Lindore dhe Juglindore po riorientohen drejt Lindjes. Edhe Hungaria si anëtare e BE-së, apo Turqia, shpresojnë mbështetjen nga Kina dhe Rusia në luftimin e pandemisë, thotë Pantiq.
Ndërkohë, varianti i ri i virusit Corona, i paraqitur për herë të parë në Britaninë e Madhe është shfaqur edhe në Serbi. Një grua e adhur nga Londra e ka sjellë me vete në Beograd. Megjithatë qeveria serbe nuk po planifikon një bllokim të ri. Restorantet, kafenetë dhe qendrat tregtare janë të hapura./ DW
Lajme të tjera
-
Kamberi: Nëse protestat 'shuhen', Vuçiç do e çojë Serbinë në diktaturë
25 Dhjetor, 20:46 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Protestat në Beograd kundër qeverisë, Vuçiç akuzon studentët: Po paguheni nga Perëndimi
23 Dhjetor, 08:32 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
Politikani serb paralajmëron ikjen e Vuçiçit nga Serbia: Do të veprojë si Assadi
19 Dhjetor, 09:29 -
Samiti BE-Ballkani Perëndimor, Costa: Duhet të krijojmë kushtet për zgjerim, por integrimi në bazë të meritës! Von der Leyen: 300 mln euro për reformat
18 Dhjetor, 20:25 -
Dialogu/ Laçak flet pas takimeve në Bruksel: Të themelohet Asociacioni, Serbia të njohë simbolet e Kosovës
18 Dhjetor, 11:20 -
Spiunimi i BIA-s, Serbia në 'burgun digjital'
18 Dhjetor, 08:22 -
Ish-trajneri i Kosovës Bylblyl Sokoli për 'Report TV': Serbët në Tiranë do sillen si pulat, mund të fitojmë!
17 Dhjetor, 14:06
-
Amnesty International: Serbia instaloi programe spiunazhi në telefonat e dhjetëra gazetarëve e aktivistëve
16 Dhjetor, 09:32
