Gazeta spanjolle ‘Marca’ zbulon akordin e arritur mes kinezëve të Tianjin Quanijan dhe ekipit italian për shifrën e 45 milion euro-ve me një kontratë për lojtarin deri në 2019-ën.
Traineri Kanavaro pas dështimit të blerjes së Diego Costa-s nga Chelsea ka menduar për kroatin si alternativën më të mirë të mundshme për sulmin.
Për të përmbyllur operacionin mes ekipeve pritet vetëm “OK” i Kalinic i cili mendohet se nuk do të vonojë gjatë. Transferimi i tij do të jetë i katërti më i madh në Kinë pas atyre të Jackson Martinez, Oskar dhe Hulk për shifrën e 50 milion euro-ve.
Kujtojmë që pak ditë më parë superligës kineze i është bashkuar edhe sulmuesi argjentinas Carlos Tevez duke u bërë lojtari më i paguar i botës së futbollit në të gjitha kohërat. Milionat e pasanikëve kinez duket se po bindin me ritme të shpejta yjet e futbollit në të katër cepat e globit dhe po dobësojnë kampionatet elitare europiane të futbollit.
Redaksia Online
K.M/Shqiptarja.com