KINË- Një tërmet me magnitudë 6.2 goditi provincat Gansu dhe Qinghai në veriperëndim të Kinës, duke vrarë të paktën 126 persona dhe duke plagosur mbi 700 persona. Autoritetet kanë mobilizuar ekipet e shpëtimit, por ata po përballen me temperaturat nën zero. Pjesa më e madhe e Kinës po përballej me temperaturat e ulta pasi një valë e ftohtë përfshiu të gjithë vendin.
Zyrtarët thonë se me këtë mot sfidues, gjetja e të mbijetuarve është shumë e vështirë. Më shumë se 5,000 shtëpi janë dëmtuar, si pasojë e tërmetit, po ashtu edhe rrugët, ndërsa në këtë zona është ndërprerë furnizimi me energji dhe ujë, të cilat të gjitha po pengojnë përpjekjet e shpëtimit. Udhëheqësi i Kinës Xi Jinping ka urdhëruar përpjekjet e plota të shpëtimit dhe qeveria dërgoi ekipet e shpëtimit për të ndihmuar ekuipazhet e urgjencës lokale.
Shumë të mbijetuar u kanë thënë mediave lokale se tërmeti ishte më i forti që ata kanë përjetuar. Ekspertët thanë se magnituda relativisht e madhe e tërmetit, si dhe thellësia relativisht e cekët, rriti numrin e viktimave. Rreth 28 milionë dollarë në fondet e ndihmës ndaj fatkeqësive natyrore janë ndarë për provincat Gansu dhe Qinghai nga ministria e financave dhe ministria e menaxhimit të emergjencave të Kinës.
Tërmetet janë të zakonshme në provincat perëndimore si Gansu, të cilat shtrihen në kufirin lindor të rrafshnaltës Qinghai-Tibetan, një zonë tektonikisht aktive. Për sa i përket viktimave, tërmeti në Gansu është më vdekjeprurësi që nga tërmeti shkatërrues i vitit 2010 në Yushu, provincën Qinghai, i cili mori pothuajse 2700 jetë.
Me magnitudë 6.2, është gjithashtu tërmeti i dytë më i madh. Sipas autoriteteve kineze, tërmeti në Yushu ishte me magnitudë 7.1 ballë. Tërmeti më vdekjeprurës i Kinës në dekadat e fundit ishte në vitin 2008 kur një tërmet me magnitudë 8.0 goditi Sichuan, duke vrarë afro 70,000 njerëz.
Ekipet e shpëtimit përballen me temperatura nën zero gradë Celsius për të gjetur të mbijetuar
Të paktën 126 persona kanë humbur jetën dhe me qindra janë plagosur si pasojë e tërmetit vdekjeprurës që goditi pjesën veriperëndimorë të Kinës. Ekipet e shpëtimit po përballen me mot të ftohtë, me temperatura deri në minus 15 gradë Celsius që po vështirëson punën e ekipeve të shpëtimit.
Kreu i ekipit të shpëtimit tha për BBC se numri i viktimave do të rritet por temperaturat nën zero janë shumë të ftohta për t’u duruar dhe vështirësojnë punën.
“Kemi vështirësi nga temperaturat dhe nga lartësia. Vendi ynë është më i ftohtë se Turqia. Është -15C. Presim të rritet numri i viktimave. Tani duhet të gërmojmë më thellë. Por nuk ka ndërtesa të mëdha në zonë. Këto janë shtëpi të sheshta të civilëve. Janë shtëpi të vjetra, disa prej balte”, deklaroi ai për BBC.
Tsai Ing-wen
Udhëheqësja e Tajvanit, Tsai Ing-wen, ka lënë mënjanë tensionet e vendit të saj me Kinën për të shprehur ngushëllime për familjet e 118 personave të vrarë nga tërmeti.
Tsai Ing-wen ofroi gjithashtu ndihmën e qeverisë së saj për operacionin e kërkim- shpëtimit dhe ndihmës.
“Ngushëllimet e mia të sinqerta për të gjithë ata që kanë humbur të dashurit në tërmetin e fundit në Kinën veriperëndimore. Lutemi që të gjithë të prekurit të marrin ndihmën që u nevojitet dhe shpresojmë për një shërim të shpejtë. Tajvani është i gatshëm të ofrojë ndihmë në përpjekjet për reagim ndaj fatkeqësive", shkroi ajo në X (ish-Twitter).
Kina nuk ka deklaruar nëse do të kërkojë ndihmë nga ekipet jashtë shtetit.
Tensionet midis Taipeit dhe Pekinit janë acaruar gjithnjë e më shumë vitet e fundit pasi Kina kërkon të ushtrojë pretendimet e saj për sovranitet mbi Tajvanin me presion politik dhe ushtarak.
Lajme të tjera
-
Nga Suedia në Mbretërinë e Bashkuar, ‘zbërthehet’ rrjeti i spiunazhit kinez në Europë, arrestime e dëbime të shumta
28 Prill, 11:48 -
Tërmet në Napoli, njerëzit e frikësuar dalin në rrugë
27 Prill, 10:08 -
Blinken takohet me presidentin kinez Xi Jinping: SHBA dhe Kina duhet të jenë vende partnere dhe jo rivale
26 Prill, 11:27 -
Rusia veto ndaj rezolutës së SHBA për armët bërthamore
25 Prill, 13:01 -
Arrestohet ndihmësi i një eurodeputeti gjerman, dyshohet se spiunon për Kinën
23 Prill, 10:12 -
VIDEO/ Një Santorini ‘i ri’ lind në Kinë: kopja e ishullit grek çmend influencuesit aziatikë
23 Prill, 08:53 -
Tong Tong, krijohet vajza humanoide për familjet pa fëmijë
22 Prill, 13:56 -
Tajvani detekton avionë luftarakë të Kinës
20 Prill, 11:51 -
Formula 1/ Red Bull dominon edhe në Kinë, Verstappen në pole position pesë herë! Alonso niset i treti, zhgënjen Ferrari
20 Prill, 10:27 -
Inteligjenca amerikane: Kina ka rritur shitjet me Rusinë në fushën e teknologjisë së armatimit
20 Prill, 09:20 -
Tërmet në Turqi! Ja sa ishte magnituda
18 Prill, 18:04 -
VIDEO/ Tërmeti i fuqishëm godet Japoninë, shikoni pamjet
17 Prill, 20:43
