POP 5

Lajmet më të lexuara të 5 minutave të fundit

Sociale

Tiranë/ Kisha Katolike organizon për herë të parë procesionin e 'Udhës së Kryqit' në sheshin 'Nënë Tereza'

Në prag të Pashkëve Katolike, në sheshin ‘Nënë Tereza’ në Tiranë është organizuar për herë të parë procesioni i ‘Udhës së Kryqit’ njësoj si në Vatikan.

TIRANË- Në prag të Pashkëve Katolike, në sheshin ‘Nënë Tereza’ në Tiranë është organizuar për herë të parë procesioni i ‘Udhës së Kryqit’ njësoj si në Vatikan.

Besimtarët katolikë me qirinj në duar ishin mbrëmjen e kësaj të Premte të madhe në sheshin ‘Nënë Tereza’ në precesionin që udhëhiqej nga Arqipeshkvi i Dioqezes Tiranë Durrës, Arjan Dodaj së bashku me Ambasadorin e Selisë së Shejtë të Vatikanit në Shqipëri, Lugi Bonazzi.

Besimtarët demonstrojnë mundimet e Jezu Krishtit që e dënuan dhe ia ngarkuan kryqin në shpinë deri në përfundim të rrugëtimit kur dha shpirt dhe u ringjall në të Dielën e Pashkës. Dhjetëra besimtarë ecën në rrugën e mundimeve të Krishtit, një pjesë e tyre duke mbajtur kryqe të rëndë prej druri. Udha e Kryqit u përshkrua duke ndjekur 14 Stacionet e rrugës së mundimit të Jezu Krishtit.

Nga ana tjetër, Papa Françesku nuk ka shkuar sonte në Udhën e Kryqit, e cila, si për çdo vit të Premten e Madhe të Pashkëve, kremtohet te Koloseu, vendi i martirizimit të të krishterëve të parë në Romë.

“Për shkak të të ftohtit të madh të këtyre ditëve – njofton Salla e Shtypit e Selisë së Shenjtë – Papa Françesku do ta ndjekë sonte Udhën e Kryqit nga Shtëpia e Shën Martës, duke u bashkuar në lutje me ata, që do të mblidhen në Koloseum, bashkë me dioqezën e Romës”.

E Premtja e Madhe, apo e Premtja e Zezë është dita kur kujtohen vuajtjet dhe vdekja e Krishtit, Pashkët janë festa e Ringjalljes së tij nga të vdekurit.  E ashtuquajtura "java e zisë" fillon me të dielën që paraprin dhe është java më e rëndësishme në kalendarin e kishës.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lavdi Jezu KRISHTIT!: 08/04/2023 20:01

    Lavdi Jezu KRISHTIT! Krishtërimi, feja e vetme E VËRTETË në të gjithë Botën Mbarë. E Vetmja Shpresë e Njerëzisë Për Të Shpëtuar Nga Mizerja Dhe Prangat e Skllavërisë Dhe Urrejtjes. O ZOT NA RUAJ E NA SHPËTO...

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56