POP 5

Lajmet më të lexuara të 5 minutave të fundit

Kisha Ortodokse Ukrainase shkëputet nga Moska, zemërohet Rusia, zyrtari: Mori fund vëllazëria ortodokse botërore

Patriarku Ekumenik Bartolomeu

Krijohet një Kishë e pavarur ukrainase duke u ndarë nga kisha ortodokse ruse, gjë që ka sjellë zemërimin e Moskës. Patriarku Ekumenik Bartolomeu i Konstandinopojës, autoriteti kryesor në Krishtërimin Orthodhoks, nënshkroi dekretin Tomos, në një ceremoni në Stamboll. Në ceremoni ndodheshin edhe presidenti aktual i Ukrainës, Petro Poroshenko dhe ish-presidenti Viktor Jushçenko.

Poroshenko është shprehur se kjo është një ngjarje historike për Ukrainën.

 “Të dashur ukrainas, kjo është një ngjarje historike! Kjo është një ditë e mrekullueshme! Edhe një herë, dua të shpreh fjalë mirënjohjeje ndaj popullit ukrainas, në emër të kombit tonë ndaj Shenjtërisë Tuaj … Na u desh një kohë shumë e gjatë për të mbërritur këtu”, tha Poroshenko.

Në shenjë proteste Kisha Ortodokse Ruse ka prishur marrëdhëniet me Konstandinopojën. Një zyrtar i Kishës Ortodokse Ruse tha se ky vendim i jep fund vëllazërisë ortodokse botërore.

“Patriarku Ekumenik Bartolomeu i dha fund vëllazërisë ortodokse botërore dhe humbi përgjithmonë të drejtën për t’u quajtur udhëheqës shpirtëror”.-tha Nikolai Balashov, një tjetër zyrtar i lartë i kishës ortodokse ruse.

Komento