Kishin përshtatur lokalin për organizimin e lojërave të fatit në Shkodër, dy në pranga! Shpallet në kërkim pronari i lokalit (VIDEO)

2 persona kanë rënë në pranga të policisë së Shkodrës dhe një tjetër është shpallur në kërkim për organizmin e lotarive të palejuara, në ambientet e një lokali të paregjistruar në organet tatimore.

Ne kuader te operacionit “Poker 5” u arrestuan shtetasit Shkelzen Bajraktari 34-vjeç, për veprën penale "Moskallëzimi i krimit", dhe Syrjan Zekaj, 22 vjeç për veprat penale "Moskallëzimi i krimit" dhe "Organizimi ose ushtrimi i veprimtarive të lojërave të fatit në kundërshtim, si dhe u shpall në kërkim Lidjo Gojcaj.

25 vjeçari Gojcaj, banues në fshatin Jubice, Malësi e Madhe, për veprat penale "Organizimi ose ushtrimi i veprimtarive të lojërave të fatit në kundërshtim me ligjin", "Vënia në dispozicion e lokaleve për lojëra të palejuara", "Prodhimi dhe shitja e narkotikëve", "Fshehja e të ardhurave" dhe "Ushtrimi i një aktiviteti tregtar të paligjshëm ose të paregjistruar në organet tatimore".

Gjithashtu u referuan materialet në prokurori dhe nisi procedimi në gjendje të lirë për shtetasin G. H., 45 vjeç, banues në Bogiq, Malësi e Madhe, për veprën penale "Moskallëzimi i krimit".

Gjatë kontrollit të ushtruar nga shërbimet e Policisë, në Koplik, në ambientet e lokalit me administrator shtetasin L. G., janë gjetur 1 tavolinë pokeri, 5 makineri elektronike për lojëra fati, një valixhe me çipsa që përdoren për lojëra fati, letra bixhozi dhe një sasi lënde e dyshuar narkotike canabis sativa, të cilat u sekuestruan në cilësinë e provës materiale

Materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet