POP 5

Lajmet më të lexuara të 5 minutave të fundit

Kronikë

Hapi portal për shantazh e gjobvënie, vetëdorëzohet në polici ish-shefi i AMP-së Kushtrim Selimi! Momenti kur shkon në policinë e Tiranës

Vetëdorëzohet në polici ish-zyrtari i AMP Kushtrim Selimi, i cili në bashkëpunim me ish-punonjësen e Agjencisë Regina Omeri dhe gazetarin Ervin Hasanaga publikonin artikuj denigrues për krerët e policisë. Sipas hetimeve, Selimi urdhëronte shkrimet dhe Omeri ia përcillte gazetarit

Kushtrim Selimi, ish-zyrtari i Agjencisë së Mbikëqyrjes policore i akuzuar për gjobëvënie ndaj zyrtarëve të lartë të policisë dhe disa biznesmenëve është vetëdorëzuar në Polici. Selimi u paraqit mëngjesin e kësaj të premteje i shoqëruar nga avokati dhe pritet të merret në pyetje nga Krimi Kibernetik. Për këtë çështje në fillim të muajit u arrestuan edhe vartësja e tij Regina Omeri dhe gazetari Ervin Hasanaga.

Në portalin shqipnews.info, që menaxhohej nga Kushtrim Selimi, vartësja e tij Omeri dhe gazetari Hasanaga bashkëpunonin për të shkruar artikuj denigrues përmes shpifjeve, për zyrtarë të lartë të policisë si Muhamet Rrumbullaku, Neritan Nallbati, Rebani Jaupi, e të tjerë, të cilët kanë bënë kallëzim pas arrestimit të tyre.

Pas arrestimit, Omeri dhe Hasanaga dëshmuan se Selimi kishte inate dhe mllefe me personat që shkruante për ta në portal. Hetuesit e Krimit Kibernetik kanë dyshime se lajmet i bënte për të vendosur gjoba ose për të përfituar poste drejtuese përmes shantazheve. Aktualisht gazetari Hasanaga dhe ish-punonjësja e Agjencisë së mbikëqyrjes Policore Regina Omeri janë në hetim në masën detyrim paraqitjeje.

Para togave të zeza, Ervis Hasanaga dhe Regina Omeri janë shprehur të penduar për publikimin e materialeve për drejtuesit e policisë. Në skemë, ka gjasa të jetë edhe Kreshnik Selimi vëllai i shefit të sektorit pranë AMP, i cili është shef kundër narkotikëve në Shërbimin Informativ Shtetëror. Ky i fundit duke përfituar nga aksesi në informacion për shkak të detyrës, dyshohet se i dërgonte këto informacione dhe i vëllai i publikonte.

Selimi urdhëronte krijimin e lajmeve të rreme për kolegët e tij, në mënyrë që t'u zinte postin. Lajmet i botonte gazetari, i cili paguhej 600 euro çdo muaj për këto shkrime. Lidhjen mes Selimit dhe Hasanagës, e bënte Rexhina Omeri, e cila dyshohet se kishte një marrëdhënie të ngushtë me kolegun e saj, të cilin pretendon se nuk e kishte pyetur kurrë se përse i porosiste këto shkrime.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Go West: 28/06/2024 11:10

    Kete bandit kush e beri "shef", a do merret ndonje mase per te?

    Përgjigju
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50