Kishte lidhur litarin në betoniere dhe po bënte një lojë, por iu shtrëngua në qafë, 10-vjeçari po e regjistronte videon për ta postuar në Tik-Tok

Detaje të reja janë zbuluar për ndarjen tragjike nga jeta të 10-vjeçarit Nasir Ymerit, i cili humbi jetën aksidentalisht teksa po bënte një video në rrjetin social 'Tik Tok'.

Përmes të afërmve Report tv ka mësuar se 10 vjeçari ishte ngjitur në katin e dytë të banesës, aty ku po kryheshin punime. Ka lidhur një litar në betoniere dhe ka tentuar të bëjë një lojë, por gjithçka ka shkuar keq, betonierja ka lëvizur dhe litari i është shtrënguar në qafë.

Prindërit e kanë gjetur në gjendje të rëndë dhe e kanë transportuar në spital, ku ka ndërruar jetë. Naser ishte fëmija i madh i familjes Ymeri, ndërsa ka dhe një vëlla tjetër më të vogël.

Mësohet se është gjetur telefoni në video-record, ç'ka ka rritur dyshimet se i mituri po kryente një lojë për ta postuar në rrjetin social TIK-TiK. Lojë që përfundoi tragjikisht.

Ai ishte nxënës i shkollës se bashkuar në Gurin e Zi dhe siç e përshkruajne mësuesit nuk kishte shfaqur shenja depresioni, ndaj besoj se gjithçka ka ndodhur aksidentalisht.

Lajmi kryesor:

Shkodër/ Nasirin 10 vjeç ‘e vrau’ Tik-Tok! Mësuesja: Ishte lider në klasë, jemi të tronditur! Punonjësja sociale: Prindërit të tregohen të kujdesshëm

M.Q./Shqiptarja.com

TAG:
• Shkoder
• edmond dragoti
• i mituri
• rrjete sociale
• tik tok