POP 5

Lajmet më të lexuara të 5 minutave të fundit

Sport

Ekskluzive/ ‘Kjo është Tirana ime’, Shehi zyrtarizon largimin e Çelhakës: Mos u çudisni nëse ikin edhe të tjerë futbollistë, Ngoo dhe Seferi do luajnë titullarë

‘Jemi ndërtuar për kampion’ thotë Orges Shehi, trajneri i Tiranës në një intervistë për Report TV. Numri 1 i bardhebluve pranoi edhe që Çelhaka është thuajse i ikur nga bardheblutë, ndërsa shtoi se sulmuesit Seferi dhe Ngo do të luajnë nga minuta e parë së bashku në kampionat.

“Ne jemi skuadër që jemi ndërtuar, gjithmonë sipas mendimit tim, për të qenë në majë dhe për të luftuar për titullin kampion.”

Orges Shehi, trajneri i Tiranës, ka lënë pas krahëve sezonin e kaluar kur bardheblutë u renditën në vendin e pestë, ndërsa tani është shumë entuziazt për skuadrën dhe merkaton.

“Është e vërtetë që çdo lojtar që është afruar është me dëshirën time. Në kokë kam ndërtuar Tiranën ashtu siç mendoja. Besoj se kemi bërë merkato të mirë dhe të duhur për të zëvendësuar edhe ato emra të të rëndësishëm që janë larguar,”-deklaron Shehi.

Trajneri i 25 herë kampionëve të Shqipërisë pranoi ekskluzivisht edhe shitjen e mesfushorit Çelhaka, për të cilin thuhet se do transferohet te Legia e Varshavës për 250 mijë euro, ndërsa shtoi se futbollistë të tjerë në skuadër mund të ndjekin shembullin e 21-vjeçarit.

“Mos u çudisni që rastin e Çelhakës ta ndjekin edhe lojtarë të tjerë sepse janë cilësorë dhe të kërkueshëm në treg. Për rrjedhojë në skuadër do përfshijmë edhe elementin e ri për të vazhduar traditën dhe për t’u mbështetur te lojtarët e akademisë,”-tha ai.

Për shumë tifozë të Tiranës mund të ketë pikëpyetje se kush do jetë sulmuesi kryesor i sezonit të ri, Taulant Seferi që është pjesë edhe e kombëtares apo Ngoo me të cilin bardheblutë fituan titullin kampion. Për Shehin është gjithçka e qartë.

“Nuk kemi luksin që të lëmë në stol Taulantin apo Ngonë, kështu që do të jenë të dy në fushë,”-u shpreh Shehi.

Numri 1 i pankinës së bardhebluve që në sezonin e ri përveç Teutës, Vllaznisë dhe Partizanit rival për titull të jetë edhe Dinamo, e rikthyer në Superligë pas 9 vitesh.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin

Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin

24 Nëntor, 12:38