POP 5

Lajmet më të lexuara të 5 minutave të fundit

Kosova & Rajoni

Kjo, fundjava më e nxehtë në 50 vitet e fundit në Greqi! Urdhërohet mbyllja e bizneseve nga ora 12:00 – 16:00, në të kundërt gjoba 2000 euro

Autoritetet kanë këshilluar qytetarët të punojnë nga shtëpia, nëse kanë mundësi, dhe të mos dalin nëpër rrugë, nëse nuk kanë nevojë.

Kjo fundjavë në Greqi pritet të jetë më e nxehta e korrikut në 50 vjetët e fundit, paralajmëroi dje (21 korrik) një meteorolog.

“Kjo fundjavë rrezikon të jetë më e nxehta e regjistruar në korrik në 50 vitet e fundit”, ka thënë Panagiotis Giannopoulos, meteorolog i transmetuesit shtetëror ERT.

Autoritetet kanë këshilluar qytetarët të punojnë nga shtëpia, nëse kanë mundësi, dhe të mos dalin nëpër rrugë, nëse nuk kanë nevojë.

Mbyllni bizneset në orët e pikut ose gjoba
Ndërkohë është urdhëruar që të gjitha bizneset të mbyllen nga ora 12:00 – 16:00 në të kundërtën do të ketë gjoba.
Ministri i Punës, Adonis Georgiadis nga Kuvendi, u ka bërë thirrje bizneseve që të respektojnë vendimin për mbrojtjen e punëtorëve nga vala e të nxehtit.

“U kërkoj bizneseve që të respektojnë vendimin e ministrisë për orarin e punës (12:00 – 16:00 pushim), në të kundërt do të ketë ndërhyrje të menjëhershme nga inspektorati i punës për vendosjen e gjobave”, tha ministri.


Për çdo biznes që nuk respekton këtë vendim gjoba është 2000 euro për punonjës.

I nxehti gjithë javës
Ndërkohë i nxehti do të vijojë edhe gjatë javës tjetër.

“Athina do të regjistrojë temperaturë mbi 40 gradë Celsius për gjashtë deri në shtatë ditë, deri në fund të korrikut”, ka thënë Giannopoulos.

Një periudhë kaq e gjatë me temperatura shumë të larta, nuk është e zakonshme për kryeqytetin grek.
Autoritetet kanë raportuar se zjarrfikësit janë duke luftuar me 79 vatra zjarresh dhe është paralajmëruar që Greqia do të vijojë të jetë nën gjendje alarmi

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ 'Speciali' Jose Mourinho, mbledh ekipin kundërshtar dhe iu mban fjalimin motivues në fushë

VIDEO/ 'Speciali' Jose Mourinho, mbledh ekipin kundërshtar dhe iu mban fjalimin motivues në fushë

10 Janar, 10:00