POP 5

Lajmet më të lexuara të 5 minutave të fundit

Sport

Klasikja pa fitues, Partizani i dyti një javë para fundit të kampionatit! Egnatia merr shpërblimin 10 milionë lekë, Laçi zyrtarisht në 'play-out'

Partizani është ngjitur në vendin e dytë falë fitores ndaj Kukësit si dhe barazimit pa gola në derbin e Shqipërisë mes Tiranës dhe Vllaznisë. Ndërkohë në javën e parafundit Egnatia siguroi matematikisht vendin e parë në kampionat, që i sjell për rrjedhojë edhe shpërblimin 10 milionë lekë.

1 javë para mbylljes së Superligës Partizani ka arritur të ngjitet në vendin e dytë, falë fitores minimale 0-1 të arritur në transfertën e Kukësit, si dhe për shkak të barazimit 0-0 në derbin e Shqipërisë mes Tiranës dhe Vllaznisë. Të kuqtë në qytetin verilindor i nderoi goli i Mehmetit në minutat e para të ndeshjes, që i ngjiti në vendin e dytë në kuotën e 60 pikëve, 1 më shumë se Vllaznia që zbriti e treta.

Në derbin me Vllazninë, Tirana u munduan më shumë të merrte fitoren, por u ndal me shifrat 0-0. Megjithatë pika e fituar mban në lojë të besuarit e Erbim Fagut, që në javën e fundit, të luftojnë për t’u futur në final-four. Vendi i katërt pas javës së 35 mbahet nga Skënderbeu, që barazoi 1-1 në shtesë kundër Laçit. Kurbinasit ishin shumë pranë fitores, por dy pikët e humbura vulosën fatin e tyre që këtë sezon është vendi i tetë dhe për rrjedhojë janë zyrtarisht në ‘play-out’.

Ndërkohë me fitoren 0-1 kundër Dinamos Egnatia zyrtarizoi edhe matematikisht vendin e parë. Rrogozhinasit janë kampionë të sezonit të rregullt, pasi shkuan në kuotën e 63 pikëve, 3 më shumë se Partizani, por kanë avantazhin e fitores në ndeshjen direkte, ndaj nuk rrezikojnë në përballjen e fundit.

Tre pikët tejet të rëndësishme mori Teuta kundër Erzenit. Durrsakët fituan 0-3 ndaj shijakasve të rënë më herët në kategorinë e parë, duke siguruar matematikisht qëndrimin për sezonin e ardhshëm, ndërsa në javën e fundit kanë mundësi të luftojnë edhe për një vend në ‘final-four’. Tirana, Teuta dhe Dinamo janë në kuotën e 47 pikëve, vetëm 1 më pak se Skënderbeu i vendit të katërt. Për të mësuar skuadrën e fundit që do kap final-four, formulën e re të Superligës, duhet pritur java e fundit e kampionatit që luhet të shtunën, po në orën 16:00.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Përplasjet për emrin, Athina deklaroi se 'çështja e Maqedonisë së Veriut është mbyllur', reagon Mickoski: E papërgjegjshme! Do korrigjohen këto padrejtësi

Përplasjet për emrin, Athina deklaroi se 'çështja e Maqedonisë së Veriut është mbyllur', reagon Mickoski: E papërgjegjshme! Do korrigjohen këto padrejtësi

24 Janar, 07:31