POP 5

Lajmet më të lexuara të 5 minutave të fundit

Politikë

KLD, Kuvendi miraton fillimin e
procedurave per shkarkimin e Çefës

Kuvendi miratoi dje me votat e mazhorancës fillimin e procedurave për shkarkimin e dy anëtarëve të Këshillit të Lartë të Drejtësisë, Elvis Çefa dhe Lulzim Lelçaj. 
KLD, Kuvendi miraton fillimin e<br />procedurave per shkarkimin e Çefës
Kuvendi miratoi dje me votat e mazhorancës fillimin e procedurave për shkarkimin e dy anëtarëve të Këshillit të Lartë të Drejtësisë, Elvis Çefa dhe Lulzim Lelçaj. Gjatë votimit të raportit të Komisionit të Ligjeve për ngritjen e një komisioni hetimor për 2 anëtarët e KLD-së, kreu i Kuvendit futi në proces votimi edhe projektvendimin tjetër për të filluar menjëherë procedurat e shkarkimit të dy anëtarëve të KLD-së. Në këtë votim morën pjesë vetëm deputetët e Partisë Socialiste dhe të LSI-së pasi në sallë nuk ishte asnjë deputet nga partitë e tjera parlamentare. Sipas votave, 75 deputet votuan pro ngritjes së Komisionit Hetimor për dy anëtarët e KLD-së ndërsa me 76 vota u miratua fillimi i procedurave për shkarkimin e Elvis Çefës dhe Lulzim Lelçajt nga Këshilli i Lartë i Drejtësisë.

Vendimi
Kuvendi miratoi dje ngritjen e Komisionit Hetimor për dy anëtarët e Këshillit të Lartë të Drejtësisë. Ky komision përbëhet nga 9 anëtar ku pesë janë të mazhorancës dhe katër të opozitës. Duke qenë se opozita ka bojkotuar Kuvendin, dje u votuan vetëm pesë anëtarët e mazhorancës. Deputetët vendosën që komisioni hetimor të përbëhen nga Armando Subashi i cili do të jetë edhe kryetari, Taulan Balla, Ulsi Manja, Besnik Bare dhe deputeti i LSI-së, Spartak Braho. Pesëshja e deputetëve do të hetojë veprimtarinë e dy anëtarëve të KLD-së duke u bazuar në 10 shkeljet që kanë konstatuar deputetët e mazhorancës.

Nëpërmjet një raporti, 39 deputet të shumicës parlamentare kanë theksuar se dy anëtarët e Këshillit të Lartë të Drejtësisë, Elvis Çefa dhe Lulzim Lelçaj kanë shkelur ligjin gjatë ushtrimit të detyrës së tyre. Për këtë arsye ka nisur edhe procedura për shkarkimi e dy anëtarëve si edhe hetimin për shkelje të ligjit. Këto shkelje sipas deputetëve të mazhorancës konsistojnë në mos emërimin e magjistratëve të rinj të dalë nga shkolla e magjistraturës, mos futjen në rendin e ditës të KLD-së të çështjen së emërimit të ish-kryeprokurores Ina Rama në Gjykatën e Apelit etj.
 
Afati
Afati i Komisionit Hetimor është 1 muaj dhe përgjatë kësaj periudhe mazhoranca do të fillojë të mendojë për të emëruar pasuesit në KLD si edhe të nënkryetarit të ri të Këshillit.

Shkrimi u publikua sot(26.09.2014) në gazetën Shqiptarja.com(print)
 

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Vidhte llogaritë në facebook të shqiptarëve në Kosovë dhe u merrte të afërmve para, arrestohet 28-vjeçari

Vidhte llogaritë në facebook të shqiptarëve në Kosovë dhe u merrte të afërmve para, arrestohet 28-vjeçari

30 Mars, 15:44