POP 5

Lajmet më të lexuara të 5 minutave të fundit

Kronikë

Klinikat dentare dyfishojnë çmimet, PD: Qeveria, bashkëpërgjegjëse me heshtjen e saj

Në një kohë kur stomatologët kanë vendosur të rrisin 100% çmimet e shërbimet dentareve në vend, Partia Demokratike ka reaguar duke akuzuar për këtë vendim edhe qeverinë. Sipas kësaj force politike, qeveria është përgjegjëse pasi ka heshtur pas këtij urdhri të paligjshëm, korruptiv dhe abuziv. 

Klinikat dentare dyfishojnë çmimet, PD: Qeveria, bashkëpërgjegjëse me heshtjen e saj

Bardh Spahia, Nënkryetar i Komisionit të Shëndetësisë

Partia Demokratike ka reaguar ndaj vendimit të Udhrit të Stomatologëve për të rritur çmimet e shërbimeve dentare në vend me 100%. Nënkryetari i Komisionit të Shëndetësisë, Bardh Spahia ka akuzuar qeverinë se është përfshirë në këtë vendim “të paligjshëm” dhe “korruptiv” me heshtjen e saj.  Ai akuzoi konkretisht Ministrinë e Financave dhe atë të Shëndetësisë.

Qeveria është përgjegjëse, sepse ka heshtur pas këtij urdhri të paligjshëm, korruptiv dhe abuziv. Ministria e Financave është informuar zyrtarisht që lista e çmimeve të reja të paligjshme të zbatohet në kasat fiskale, por nuk ka bërë asgjë për ta kundërshtuar. Po kështu Ministrja e Shëndetesisë, e cila është e zënë me propagadën e shëmtuar për të paraqitur spitalet e Shqipërisë si spitalet e zvicrës, ka mbyllur një sy për urdhrin e paligjshëm që bie në kurrizin e çdo shqiptari.    

Bardh Spahia, Nënkryetar i Komisionit të Shëndetësisë

Spahia u shpreh se presidenti i Urdhrit të Stomatologut, Nikollë Deda, është në shkelje të plotë të ligjit për Urdhrin e Stomatologut, pasi nuk i jep të drejtë këtij të fundit të vendosë cmime për shërbimin që dentistët u japin qytetarëve.

Me një vendim të paprecedentë, të paligjshëm, abuziv, presidenti i Urdhrit të Stomatologut, Nikollë Deda. kandidati për deputet i Edi Ramës në Pukë,  urdhëron dentistët të rrisin gati dyfish çmimet për 13 shërbime. Janë shërbimet që kryejnë më së shumti qytetarët, përfshirë edhe mbushjen e dhëmbëve, vënien e protezave dhe deri tek ndërhyrjet kirurgjikale.Ky organ ka si mision ligjor ruajtjen e standardeve të larta në këtë profesion e sidomos mbrojtjen e pacientëve nga kequshtrimi i profesionit të stomatologut. Shtatë kompetencat e Urdhrit janë në funksion të këtij misioni.  Në asnjë pikë nuk figuron e drejta për të vendosur dhe caktuar çmime! 

Kjo është shkelje jo vetëm e parimeve të Urdhrit, por edhe e ligjit. Për këtë kandidati i PS, Nikollë Deda duhet të mbajë përgjegjësi, pasi ka nxitur në mënyrë të paligjshme vendosjen në treg të cmimit monopol, duke cënuar rëndë konkurencën.

Bardh Spahia, Nënkryetar i Komisionit të Shëndetësisë

Spahia i bëri në fund thirrje dentistëve që të mos zbatojnë një vendim të paligjshëm duke rritur artificialisht çmimet për qytetarët shqiptarë, si dhe nxiti anëtarët e Urdhrit për shkarkimin e cilindo personit që është bërë pjesë e këtij mekanizmi antiligjor. "Kundër këtij modeli abuzues e grabitës të qytetarëve duhet të ngrihemi të gjithë. Të bashkohemi në protesta deri në largimin e kryeministrit që frymëzon modelin e grabitjes së shqiptarëve."

Lista e cmimeve dysheme për shërbimet në klinikat dentare, siguruar nga Partia Demokratike

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bzbsnssnn: 24/01/2019 16:54

    Hapni faqen e urdherit o toca. Aty e keni listen e cmimeve. Aty e kane marre dhe keta. Te paafte.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59