Prej tetë vitesh me radhë, deri me 9 shtator, ishim mësuar të dëgjonim nga klani Berisha shpifje, akuza, gjykime morale dhe leksione etike dhe demokracie drejtuar kundër rivalëve tradicionalë, si qeveritarët, gazetarët, media dhe opinionistë që nuk mendonin njësoj si ata. Në këtë mënyrë, bota e parë me sytë e Berishës ishte e ndarë në dy pjesë: Të mirët nga ana e tij dhe Partisë Demokratike bashkë me ata katër aleatë e gjysëm në krah të tyre. Në anë tjetër gjithë të tjerët, ata të konsideruar “të këqinj”. Berisha dhe klani tij (që deri në ato momente përfshinte gjithë PD-në me në krye Lulzim Bashën), e konsideronte anën e vet të botës si “shumicë dërrmuese” dhe pjesën e të “këqinjve” si “pakicë puçiste”. Po pastaj u bënë zgjedhjet e 25 prillit dhe atë ditë e gjithë opozita pa se fusha e vet u shtrëngua shumë duke zbuluar se ata përfaqësonin pakicën, ndërsa shumica dërrmues ishin të gjithë ata që ata sulmonin.
Pastaj erdhi 9 shtatori me vendimin e Lulzim Bashës për të pezulluar “përkohësisht” Sali Berishën nga grupi parlamentar, si pasojë e akuzave për korrupsion të marra nga Shtetet e Bashkuara, dhe papritur pjesa e botës e përfaqësuar nga Sali Berisha dhe klani i tij u zvogëlua akoma e më shumë, derisa u bë një pjesë mikroskopike. Duke dëgjuar fjalimet e tij dhe duke lexuar në facebook postet e tij dhe të klanit të tij, të këqinjtë përfshijnë tashmë të gjithë. Berisha dhe familja e tij përmbytin me shpifje, akuza, gjykime morale dhe leksione etike dhe demokracie jo vetëm qeveritarë, gazetarë, media dhe opinionistët “kundërshtarë”, por edhe Lulzim Bashën dhe pjesën më të madhe të PD-së që qëndroi besnik i Bashës, presidentin amerikan Biden, Departamentin e Shtetit, gjithë qeverisjen e Shteteve të Bashkuara, lidershipin europian dhe pjesën më të madhe të trupit diplomatik të akredituar në Tiranë duke nisur që nga ambasadorja Yuri Kim e trajtuar si të ishte një Çlirim Gjatë i zakonshëm. Tashmë Sali Berisha dhe familja e tij vetëkonsiderohen në Shqipëri si të vetmit të ndershëm, me integritet, liberalë, demokratë. Eshtë groteske, por sot pikërisht ata, me të shkuarën që kanë, pretendojnë se janë të vetmit e mbetur që luftojnë korrupsionin dhe që mbrojnë drejtësinë, ndërsa shumica dërrmuese e vendit konsiderohet ana e keqe dhe e kalbur.
Berisha tani urren gjithë popullin shqiptar, dhe vetëm e vetëm që të shpëtojë veten dhe familjen e tij nga rrugëtimi i pashmangshëm i drejtësisë, vazhdon të gënjejë në kufi të qesharakes dhe të sikletit duke treguar se është gati të djegë vendin duke ruajtur nga masakra vetëm bizneset e të birit, mëkatet e vajzës dhe 17 kullat e dhëndrrit. Mjafton kjo për ta bërë patetike figurën e tij, si një ujk i vjetër, tashmë çalaman, që në netët e fundit të tij pa gjumë, ulëret me gjithë urrejtjen e tij të dëshpëruar ndaj Hënës. Ky është fundi tragjik i një diktatori të mbaruar, i cili, i verbuar nga dëshpërimi, heq dorë të mbrojë edhe të kaluarën e historisë së tij politike dhe atë pak që mbetet nga dinjiteti i tij i konsumuar. (c.bo.)
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
Ahaaaaa ujk qe i kane rene dhembet.... eshte kerme politike qe qelbet ashtu si cu qelb komunizmi...
PërgjigjuBerisha vafte mbrapa diellit, nuk i hyn ne xhep popullit. Por te ulerasesh poshte e larte ujku ukku, thote populli, e cakejte e rilindjes bejne hatane, thote populli, i thone te kesh dy..zete, cte mbashe me pare, te tere per te care. Ndaj ju te zjarrtit pika qe su bie qe jeni me keq se uqte e cakejte bashke.
Përgjigju