Klonohet kali në Kinë, ngjallen shpresat për sportet kalorsiake

Kompania kineze prezantoi për herë të parë për publikun një kalë të klonuar, i cili është i pari i këtij lloji dhe në të njëjtën kohë është i miratuar për sportet e kuajve.  Kafsha e zezë është e para nga grupi i racave me "gjak të ngrohtë" që ka lindur në Kinë dhe është miratuar zyrtarisht nga Shoqata e Industrisë së Kuajve të Kinës.

Ai lindi më 6 qershor të vitit të kaluar në provincën Gansu, në veri-perëndim të Kinës, është një klon i një kali i importuar nga Gjermania.

Klonimi për kompeticione dhe sporte me kuaj  të racës së pastër është praktikuar në disa vende që nga fillimi i viteve 2000, veçanërisht për përmirësime gjenetike dhe ditët e sotme për arsye se janë të pakët në numër.

LEXO EDHE:
Kina, sanksione ndaj 7 kompanive si kundërpërgjigje ndaj ndihmës ushtarake amerikane për Tajvanin

Kali është i hollë, por me gjymtyrë të shëndetshme, me gëzof të zi qëi shkëlqen dhe një pullë të bardhë në ballë.

Ekspertët thonë se lindja dhe rritja e shëndetshme e kalit mund të ndihmojë vendin aziatik në zhvillimin e industrisë së kuajve dhe sporteve kalorsiake, si dhe të ruajë racat në rrezik zhdukjeje të kuajve kinezë, kjo është arsyeja pse është klonuar.

Duke vrapuar me gjallëri dhe shkathtësi në arenën e një klubi kalorësiak në periferinë lindore të Pekinit, me dëborën e parë që bie mbi gëzofin e tij, kali i klonuar, i quajtur Zhuang Zhuang, është vetëm 7 muajsh.

Procesi u realizua në kuadër të një programi klonimi të hartuar në vitin 2021 nga kompania gjenetike “Sinogene Biotechnology” dhe një klubi kuajsh të quajtur “Sheerëood”, me bazë në Pekin.

“Gjakët e ngrohtë” janë përgjithësisht kuaj të lehtë me temperament të gjallë”, thonë ekpertët e fushës.

"Unë fola me kalorës (kinezë) që marrin pjesë në Lojërat Olimpike. Të gjithë ata kanë më shumë se një kalë, zakonisht dy ose tre. Çdo kal kushton nga disa milionë deri në 10 milionë juanë (1.5 milionë dollarë), ", tha Mi Jidong, CEO i Sinogene.

Në mediat e huaja shpjegohet qartazi se si klonimi mund të ndihmojë në uljen e çmimit të mbarështimit dhe rritjes së kuajve.

Kali i parë i klonuar në botë lindi në Itali në 2003.

Kompanitë kineze të klonimit të kafshëve kanë bërë përparim të konsiderueshëm vitet e fundit, me teknologjitë që tashmë janë për delet, lopët, derrat, qentë dhe macet.

TAG:
• Kine
• klonim
• klonim kafshesh
• sporte kalorsiake

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1556

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq