POP 5

Lajmet më të lexuara të 5 minutave të fundit

Sport

Kloop për rekorde, finalja e tretë në Champions me Liverpool! Përmbysja ndaj City-t? Ancelotti: Reali është mbreti!

Liverpool është finalistja e parë e Champions League. Anglezët fituan 2-3 me përmbysje gjysmëfinalen e dytë kundër Villareal, që rezultoi shumë më e ndërlikuar sa pritej. Ndërkohë sonte futbolli europian pritet të përjetojë një tjetër natë plot shkëlqim, pasi Real Madrid do kërkojë përmbysjen kundër Manchester City-t.

Kloop për rekorde, finalja e tretë në Champions me Liverpool! Përmbysja ndaj City-t? Ancelotti: Reali është mbreti!

Moment nga ndeshja Manchester City-Real Madrid

E ndërlikuar më shumë sesa pritej, por që në fund nuk pati asnjë surprizë. Kështu rezultoi gjysmëfinalja e dytë e Champions League për Liverpool kundër Villareal, që u fitua nga anglezët 2-3 me përmbysje. Mirëpo pjesa e parë i futi frikën skuadrës dhe tifozëve të ‘the reds’, pasi spanjollët e mbyllën 2-0, falë golave të realizuar nga Dia dhe Couqelin. Kjo do të thoshte se humbja e një jave më parë 2-0 ishte rikuperuar.

Pas dushit të ftohtë në pjesën e parë Liverpool reagoi në të dytën, duke dalë nga gjumi dhe duke realizuar 3 herë me Fabinho, Diaz dhe Mane. Në fund Kloop siguroi finalen e tretë të Champions League me Liverpool që nga 2015, aty ku do përballet me fituesin e çiftit Real Madrid-Manchester City.

Në ‘Bernabeu’ pritet sonte një tjetër përballje magjike dhe me emocione pafund, pasi ‘galaktikët’ do synojnë përmbysjen e humbjes 4-3 një javë më parë në Angli.

Në prag të ndeshjes trajneri Ancelotti është shprehur se ‘Reali është mbreti i Champions League dhe fitorja është detyrim’. Italini shtoi se ‘tifozët do ta ndihmojnë ekipin për t’ia arritur qëllimit’, ndërsa kolegu i tij te Manchester City Pep Guardiola tha se ‘do kërkojmë me patjetër finalen e dytë radhazi’.

Për këtë superpërballje City ka rikuperuar anësorin Canselo, ndërsa Real Madrid mesfushorin Casemiro.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

VIDEO/ Ernest Muçi bën ultrasin te Besiktas, sulmuesi pas golit: T'i fitojmë të gjitha ndeshjet

VIDEO/ Ernest Muçi bën ultrasin te Besiktas, sulmuesi pas golit: T'i fitojmë të gjitha ndeshjet

20 Prill, 11:27