POP 5

Lajmet më të lexuara të 5 minutave të fundit

Sociale

Klosi: Jetët e humbura në plazh përgjegjësi e funksionarëve publikë

60 djem dhe vajza të trajnuara do angazhohen gjatë verës për të realizuar vrojtimet në plazhin e Shëngjinit dhe Velipojës.

"Jetë të humbura në plazh të cilat fatkeqësisht kanë ndodhur edhe në javën e kaluar janë akuzë e drejtpërdrejtë për të gjithë ne që kryejmë funksione shtetërore.”:

Kështu ka deklaruar ditën e sotme ministri i Turizmit dhe Mjedisit, Blendi Klosi.

Ndër të tjera ai ka thënë, se task forca e drejtuar nga agjencia kombëtare e bregdetit së bashku me institutin e higjenës, agjencinë e Zonave të Mbrojtura dhe inspektorati i Turizmit do të kontrollojnë çdo pëllëmbë të plazhit.

“Task forca e drejtuar nga agjencia kombëtare e bregdetit së bashku me institutin e higjenës, agjencinë e Zonave të Mbrojtura dhe inspektorati i Turizmit do të kontrollojnë çdo pëllëmbë të plazhit, duke vendosur gjoba, duke kërkuar zbatimin e këtyre kontratave të cilat nuk zbatojnë vendimin e këshillit të ministrave dhe duke kërkuar qartazi jo vetëm operatorëve që kanë marrë për të kryer një biznes të caktuar por duke iu drejtuar drejtpërsëdrejti edhe kryetarëve të bashkive.

Është gjëja më e rëndë që mund të ndodhë por që drejtpërsëdrejtë penalizon të gjithë ata funksionarë lokalë apo qendrorë të cilët nuk zbatojnë VKM-në. Jetë të humbura në plazh të cilat fatkeqësisht kanë ndodhur edhe në javën e kaluar janë akuzë e drejtpërdrejtë për të gjithë ne që kryejmë funksione shtetërore”, tha ministri Klosi.

Ndërkaq, ai bëri me dije se janë 60 djem dhe vajza të trajnuara për të realizuar vrojtimin në plazhin e Shëngjinit dhe Velipojës

 “Vitin e kaluar shënuam një rekord për uljen me trefish të numrit të jetëve të humbura në det. Ndërkohë që këtë vit, vetëm në pak ditë kemi mbi 5 jete të humbura në plazhet tona. Pra, problematika është evidente dhe toleranca do të duhet të jetë 0. Jemi në fazën më të vështirë të fushatës së fillimit të sezonit turistik, e cila është ngatërruar edhe me problematikat e fushatës së zgjedhjeve. Vetëm në Shëngjin dhe Velipojë falë projektit të GIZ-it kemi 60 djem dhe vajza të trajnuara për plazhin e Shëngjinit dhe Velipojës.

Është e pafalshme, e patolerueshme që djemtë shkojnë e gjejnë punë si vrojtues në Mal të Zi dhe largohen nga Shqipëria sepse në plazhet tona nuk i punëson njeri. I bëj thirrje të drejtpërdrejtë funksionarëve publikë që kanë detyrën e kontrollit, pushtetit lokal dhe po ashtu inspektoriatit të turizmit, agjencisë së Bregdetit të jenë gjatë gjithë kohës në terren për të vendosur një sistem të cilin vitin e kaluar e ndërtuam të gjithë së bashku dhe funksionoi në mënyrë të shkëlqyer”, u shpreh Klosi.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46