POP 5

Lajmet më të lexuara të 5 minutave të fundit

Kronikë

Klosi nga Durrësi: Hotelet dhe restorantet të aplikojnë për plazhet private

Ministri i Turizmit Blendi Klosi u ndal sot në Durrës për të prezantuar vendimin e ri të qeverisë për plazhet. Ai tha se aplikimi në e-albania do të jetë i hapur deri më 15 qershor, ndërsa demonstroi para kamerave procedurën e aplikimit për bizneset e interesuara. Klosi theksoi se do të ketë më shumë hapësira për plazhe publike, ndërsa privatët duhet të zbatojnë rregullat strikte për parandalimin e përhapjes së Covid-19.

Ministri i Turizmit Blendi Klosi u ndal sot në qytetin bregdetar të Durrësit për të shpjeguar mënyrën e re të aplikimit për stacionet e plazhit. Prioritet për të vendosur çadra dhe shezlonge do të kenë hotelet e më pas restorantet e mëdha.

"Hotelet që kanë vijën e parë në bregdet do të duhet të kenë prioritet për të marrë në shfrytëzim zonën e plazhit përpara hotelit të tyre. Më pas janë hotelet e vijës së dytë, ndërsa në zona ku nuk ka hotele siç është Hamallaj apo Gjiri i Lalzit lejet për plazhe private do t'i marrin restorantet me mbi 20 tavolina", tha ministri.

Klosi demonstroi para kamerave një aplikim online në e-albania, duke treguar edhe mënyrën se si do të përzgjidhen fituesit.

"Për aplikimin mjafton nr i NIPT-it, vërtetimi i pronësisë, deklarata ku shënohen sipërfaqja. Mjafton të ngarkohen këto dokumente dhe sistemi elektronikisht kthen përgjigje. Më pas i miraton komisioni i ngritur me përfaqësues nga Ministria e Turizmit dhe Shëndetësia. Pasi miratohet nga komisioni mund te kryeni pagesën sipas tarifave të vendosura nga Këshilli bashkiak i secilës bashki. Bëhet lidhja e kontratës me bashkinë, përgatiten beywatchet, vijëzimi dhe vazhdon puna", deklaroi Klosi duke shtuar se "plazhet pranë zonave të banuara do të jenë publike", pra pagesë për qytetarët.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04