POP 5

Lajmet më të lexuara të 5 minutave të fundit

Kronikë

KLP thirret të votojë përfundimin e mandatit të Alfred Ballës

Përmes një njoftimi, Balla e sulmoi vendimin e KPA-së si “të turpshëm” dhe interpretoi se vendimi nuk kishte lidhje me statusin e tij aktual në KLP.

KLP thirret të votojë përfundimin e mandatit të Alfred Ballës

Alfred Balla

Këshilli i Lartë i Prokurorisë pritet të mblidhet të hënën më 27 maj për të vendosur mbi fatin e mandatit të kryetarit të këtij institucioni, Alfred Balla, pasi Kolegji i Posaçëm i Apelimit vendosi ta largojë atë nga sistemi i drejtësisë për një periudhë 15-vjeçare. Mbledhja është thirrur nga zv.kryetari i KLP-së, Tartar Bazaj.

Qëndrimi i Ballës në krye të KLP-së bie ndesh me vendimin e 21 majit të KPA-së, i cili është menjëherë i zbatueshëm. Megjithatë, BIRN mësoi se Balla po i vazhdon funksionet e tij dhe ndodhet aktualisht në një vizitë zyrtare në Itali.

Përmes një njoftimi të martën, Balla e sulmoi vendimin e KPA-së si “të turpshëm” dhe interpretoi se vendimi nuk kishte lidhje me statusin e tij aktual në KLP.

“…Ky nuk është një vendim shkarkimi, pasi nuk është bërë hetim administrativ ndaj meje. Në bazë të këtij vendimi, në të ardhmen nuk mund të kandidoj për vende të caktuara, kuptohet deri sa të shprehet GJEDNJ,” pretendoi si.

I pyetur nga BIRN, zv. kryetari Tartar Bazaj shpjegoi se ai dhe shumica e anëtarëve të KLP-së gjenden në Romë për një vizitë zyrtare, ndaj edhe nuk janë mbledhur deri tani. Ai shpjegoi se ka thirrur të hënën në orën 11:00 mbledhje plenare të Këshillit me një pikë të vetme në axhendë, atë të “deklarimit të përfundimit të mandatit” të kryetarit aktual, Alfred Balla.

Balla nuk ishte i arritshëm për koment deri në publikimin e këtij shkrimi.

Ndryshe nga Komisioni i Pavarur i Kualifikimit, KPK që vlerësoi ta përfundojë procesin ndaj Ballës pa një vendim përfundimtar, Kolegji vendosi ta ndryshojë atë dhe veç ndërprerjes së vetingut, deklaroi edhe humbjen e të drejtës së këtij subjekti rivlerësimi për t'u emëruar gjyqtar ose prokuror i çdo niveli, anëtar i Këshillit të Lartë Gjyqësor ose i Këshillit të Lartë të Prokurorisë, Inspektor i Lartë i Drejtësisë ose Prokuror i Përgjithshëm, për një periudhë 15-vjeçare.

Alfred Balla iu nënshtrua procesit të rivlerësimit kalimtar për shkak të punës së tij si ndihmës ligjor në Gjykatën e Lartë deri në 31 korrik 2017, gjë që përcaktohej nga legjislacioni i vetingut të magjistratëve. Në KPK, trupa vlerësoi në shumicë se Balla e kishte humbur statusin e magjistratit pasi ishte shkarkuar nga kreu i Gjykatës së Lartë në korrik 2017 dhe e mbyllën procesin e tij pa një vendim përfundimtar.

Komisioneri Publik, Florian Ballhysa e ankimoi vendimin e KPK në Kolegj, duke kërkuar vendosjen e sanksionit 15 vjeçar, çka u konsiderua i drejtë nga Kolegji. /BIRN/

 

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56