POP 5

Lajmet më të lexuara të 5 minutave të fundit

Kronikë

KLSH padit në Prokurori 12 zyrtarë
në bashkitë Durrës e Sarandë

Kontrolli i Lartë i Shtetit çon në prokurori ish-kryetarin e bashkisë së Sarandës, Edmond Gjoka, dy Zëvendës Kryetarë të Bashkisë Durrës, Adi Çela e Zhuljan Varfi, si dhe 9 punonjës të Bashkisë Durrës.
TIRANE- Kontrolli i Lartë i Shtetit çon në prokurori ish-kryetarin e bashkisë së Sarandës, Edmond Gjoka, dy Zëvendës Kryetarë të Bashkisë Durrës, Adi Çela e Zhuljan Varfi, si dhe 9 punonjës të Bashkisë Durrës.
 
Në një deklaratë të KLSH-së, thuhet se gjatë auditimit të bërë në bashkitë Durrës dhe Sarandë janë konstatuar një sërë shkeljesh të rënda ligjore gjatë periudhës 2003-2011.
 
Ish-kryebashkiaku demokrat i Sarandës, sipas KLSH-së ka dhënë 129 leje ndërtimi brenda vijës kufizuese të qendrës së qytetit, në kundërshtim me të gjitha vendimet e KRRTSH-së. Ndërsa referuar numrit të konsiderueshëm të shkeljeve të dispozitave ligjore në fushën e urbanistikës, KLSH ka dërguar ndjekje penale edhe për dy juristë dhe tre ish-drejtorë të kësaj Bashkie.
 
Ndërkohë, gjatë auditimit në Bashkinë e Durrësit janë konstatuar shkelje të rënda ligjore në lidhje me zbatimin e procedurave të prokurimit në “Rikonstruksionin e bulevardit kryesor “Dyrrah”, me një dëm ekonomik në vlerën 19.3 milionë lekë dhe në prokurimin “Gjelbërimi në qytet”, me dëm financiar 7.1 milionë lekë.
 
“Në të dyja prokurimet, shkeljen kryesore e përbën fakti që Komisioni i Vlerësimit të Ofertave ka skualifikuar operatorët ekonomikë (OE) me ofertë më të ulët dhe ka kualifikuar padrejtësisht OE me vlerë më të lartë, duke i shkaktuar dëm të konsiderueshëm ekonomik Bashkisë”, thuhet në njoftimin për shtyp.
Sipas KLSH-së, janë skualifikuar operatorë me oferta më të ulëta. Dy nënkryetarët e Bashkisë së Durrësit, si edhe pesë punonjës të saj janë kallëzuar penalisht në Prokurori nën akuzën e “shkeljes së barazisë në tenderë.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46