KM:Besnik Dervishi për Komisioner
i ​Mbrojtjes së të Dhënave Personale

Ish-Prefekti i Qarkut Vlorë, Besnik Dervish është propozuar nga Këshilli i Ministrave për Komisioner të Mbrojtjes të të Dhënave Personale.
 
Vendimi i Këshillit të Ministrave për t’i propozuar Kuvendit Dervishin si Komisioner të Mbrojtjes së të Dhënave Personale është marrë në mbledhjen e sotme të drejtuar nga zv/kryeministri Niko Peleshi.
 
Besnik Dervishi është larguar nga detyra e Prefektit të Qarkut Vlorë në fund të muajit Mars dhe në vend të tij është emëruar Etjona Hoxha.

Propozimi i qeverisë për të caktuar Dervishin si Komisioner i Mbrojtjes së të Dhënave Personale do të kalojë në seancën e nesërme të Kuvendit, ku do të bëhet edhe votimi për miratimin ose jo të këtij propozimi.

Vendimi i plotë i Këshillit të Ministrave për propozimin e Besnik Dervishit   
Në mbështetje të nenit 100 të Kushtetutës dhe të nenit 33, të ligjit nr.9887, datë 10.3.2008, “Për mbrojtjen e të dhënave personale”, të ndryshuar, me propozimin e Kryeministrit, Këshilli i Ministrave
  Propozimin Kuvendit të Republikës së Shqipërisë të kandidaturës së  z. Besnik Dervishi për Komisioner të Mbrojtjes të të Dhënave Personale.
 
Ky vendim hyn në fuqi menjëherë.
   
 
 
Redaksia Online
(a.h/shqiptarja.com)