POP 5

Lajmet më të lexuara të 5 minutave të fundit

Politikë

Koalicion në të ardhmen PS-LSI?
As Petrit Vasili nuk thotë “Kurrë”

Në politikë kurrë nuk thuhet kurrë. Me këtë parim, Petrit Vasili nuk e ka përjashtuar në mënyrë kategorike përsëritjen e një koalicioni me Partinë Socialiste. Lidhur me deputetin Rehovica të cilit sipas prokurorisë i duhet ndërprerë mandati, Vasili tha përgjegjësia është individuale.  VIDEO
Koalicion në të ardhmen PS-LSI?<br />As Petrit Vasili nuk thotë “Kurrë”<br /><br>
Ashtu si Gramoz Ruçi, as Petrit Vasili nuk i thotë dot “Kurrë” mundësisë së përsëritjes së koalicionit me Partinë Socialiste.

Kreu i Grupit Parlamentar të LSI-së, thotë se koalicioni i vetëm që ka në mendje është ai me njerëzit e shtypur nga pushteti.

“Kam në mendje vetëm një koalicion, koalicionin e atyre qindra mijërave të pabarabartëve. Kam sigurisht në mendje koalicionin e bërë me tërë ata njerëz të hequr nga puna se nuk japin prova militantizmi. Këto llogari bizantine që vijnë nga një pushtet i cili e ka shqyer Kushtetutën. Këto janë jashtë interesit të LSI dhe jashtë situatës aktuale. Për sa i takon koalicioneve të tjera kanë të bëjnë me pikturë dhe me hapjen e ekspozitave që janë aq të rëndësishme se sa fati i vendit. Këto janë qeverisje që meritojnë të përbuzen dhe rrëzohen”, shprehet Vasili.

Sa i takon kërkesës së prokurorisë për ti hequr mandatin deputetit të kësaj partie, Gledion Rehovica, Petrit Vasili thotë se përgjegjësia është individuale.

“Absolutisht çdo përgjegjësi është individuale dhe nuk është kolektive dhe për rastin e deputetit në fjalë ju do të keni edhe shpjegimin për çdo njeri që do të rezultojë se ka shkelur ligjin do të përballet me ligjin si të gjithë. LSI nuk është investuar në asnjë rast në mbrojtje politike të atyre që shkelin ligjin. Por më parë kjo çështje duhet të provohet”, tha Vasili.

I pyetur nëse LSI dhe opozita do të marrin pjesë në komisionet ad hoc për ngritjen e KLP-së, Vasili tha se opozita do të marrë pjesë vetëm nëse ky proces do të kryhet sipas Kushtetutës së miratuar më 140 vota.

Er.K/Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04