POP 5

Lajmet më të lexuara të 5 minutave të fundit

Kronikë

Kodheli paraqet direktivat për vitin
2015: Prioritet modernizimi i FA
PDF - Direktivat e mbrojtjes për 2015

Ministria e Mbrojtjes ka prezantuar sot prioritetet dhe direktivat që do të ketë për vitin e ardhshëm. Ka qenë vetë shefja këtij dikasteri Mimi Kodheli e cila në një konferencë për shtyp ka paraqitur direktivat e e mbrojtjes për vitin 2015. VIDEO FOTO
TIRANE - Ministria e Mbrojtjes ka prezantuar sot prioritetet dhe direktivat që do të ketë për vitin e ardhshëm. Ka qenë vetë shefja këtij dikasteri Mimi Kodheli e cila në një konferencë për shtyp ka paraqitur direktivat e e mbrojtjes për vitin 2015.

Në fjalën e saj Ministrja Kodheli, duke shprehur bindjen se viti i ardhshëm do të jetë edhe më i suksesshëm se 2014, theksoi se modernizimi i Forcave të Armatosura duke iu përshtatur standardeve të NATO-s do të jetë një nga prioritetet kyçe të institucionit që ajo drejton. PDF - Direktivat e mbrojtjes për 2015

Po ashtu prioritet tjetër për Ministrinë e Mbrojtjes do të jetë edhe përmirësimi i mëtejshëm i infrastrukturës dhe logjistikës si dhe standardizimi i ushtarakëve.

“Ngjarjet me të cilat u përballëm gjatë 2014 duhet të na shërbejnë në raport me stërvitjen dhe standartet. Viti 2015 duhet të jetë edhe më i suksesshëm nisur edhe nga samiti i Uellsit. Konflikti në Ukrainë dhe ndërhyrja ushtarake e Rusisë, nënkupton një ndryshim të balancave. Zhvillimet serioze në Ukrainë dhe kërcënimet e ISIS përbëjnë një rrezik real për realitetin me të cilin jetojmë, për vendin dhe rajonin tonë. Nisur nga ky realitet në qendër do të jetë krijimi i kapaciteteve reale përmes modernizimit të ushtrisë, përmirësimi i trajtimit të ushtarakëve, rritja e transparencës dhe luftë ndaj korrupsionit. Në kuadër të detyrimeve tona ndaj NATO iu paraqes prioritetet kryesore të Ministrisë së Mbrojtjes për vitin 2015: Modernizimi i Forcave të Armatosura, përmirësimi i infrastrukturës dhe logjistikës, standardizimi i ushtarakëve.” theksoi Kodheli në fjalën e saj

mimi kodheli

Kodheli: Kalim gradual të armatimit drejt standarteve të NATO
Duke folur konkretisht, Kodheli tha se në kuadër të modernizimit të FA, do të bëhet i mundur kalimi gradual drejt armatimit të ushtarakëve sipas standardeve të NATO. Po ashtu Ministrja nënvizoi se do të vijohet edhe me projektet e tjera, mes të cilëve edhe nisja e programit të alenacës së Atlantikut të Veriut për integrimin e projekteve raketore.

“Prioritet do të mbetet plotësimi i kapacatieve të FA që do të jenë të gatshme për pjesëmarrje në misionet e NATO. Ministria e Mbrojtjes do të përqëndrohet në këtë drejtim, ku fokusi do të jetë në zhvillimin e batalionit të dytë, duke u fokusuar në të gjitha planet të modernizimit  dhe standardizimit në bazë të kritereve të NATO-s. Së dyti zëvendësimi gradual i armatimit të vjetër me armatim sipas standardeve të NATO. Do të bëhet kalimi gradual drejt armatimit të aleancës së NATO-s. Përfundimi i projektit të helikopterëve. Të fillojë puna për integrimin e projekteve raketore të NATO.” tha Kodheli

mimi kodheli

Kodheli: Përmirësim i poligoneve ekzistuese si dhe krijimi i poligoneve të reja
Sa i përket përmirësimit të infrastrukturës dhe logjistikës në FA, ministrja e mbrojtjes, u shpreh se do të vijojë procesi i përmirësimit të poligoneve ekzistuese si dhe krijimi i poligoneve të reja.

“Infrastruktura të përmirësohet. Prioritet përputhja e masterplaneve e të gjitha garnizoneve, në bazë të planit afatgjatë të FA 2015-2020. Infrastruktura e poligoneve të përmirësohet për ata ekzistuese dhe të ndërtohen të reja.  Mbështetja logjistike dhe mjekësore për FA të sigurohet. Të vijojë puna për projektet e automatizimit logjistik. “ u shpreh Ministrja

Kodheli: Pjesëmarrje në operacionet paqeruajtëse jashtë vendit
Më tej Kodheli tha se do të vijojnë pjesëmarrja dhe ndihma e trupave ushtarake shqiptare në misionet paqeruajtëse të NATO-s si dhe rritje të përfaqësimit në forcat e KFOR në Kosovë.

“Pjesëmarrja e operacioneve jashtë vendit, të vazhdojë, kryesisht për përballimin e situatave emergjente. Përmirësimi i vazhdueshem i imazhit të FA të vazhdojë të mbetet prioriteti kryesor i FA. Gjatë vitit të ardhshëm FA të marrin pjesë në operacionin e rezolutës së NATO-së në Afganistan. Niveli i përfaqësimit në KFOR në Kosovë të pësojë rritje. “ tha ajo

mimi kodheli

Kodheli: Rritje e kushteve dhe standardeve të ushtarakëve
Ndërsa lidhur me standardizimin e FA, Kodheli tha se do të vijojë puna për rritjen e kushteve dhe standardeve të ushtarakëve. Vëmendje e veçantë do t’i kushtohet arsimimit individual si dhe ngritjes së inteligjencës kibernetike.

“Të vijojnë reformat e personelit, duke vënë theksin tek intensifikimi i masave për rritjen e përkujdesit ndaj ushtarakëve. Të krijohet libri i trajnimit të ushtarakëve.  Vëmendje kryesore të përqëndrohet në arsimini individual. Theks i veccantë t’i kushtohet ngritjes së inteligjencës kibernetike. Të plotësohen të gjitha detyrimet për pjesëmarrjen në stërvitjen e NATO-s. Gjithashtu të merren të gjitha masat për zhvillimin e kapaciteteve, si dhe projekte të tjera të përbashkëta dhe pse jo dhe të reja të aleancës së NATO-s. “ tha Mimi Kodheli

Kodheli: Vijon procesi i demontimit
Në përfundim Kodheli u shpreh se do të rritet efiçenca e menaxhimit financiar, ndërsa shtoi se do të vijojë procesi i demontimit edhe përgjatë vitit të ardhshëm.

“Menaxhimi financiar, të rritet efficenca për të realizuar prioritetet e vendosura. Të vijojë procesi i demontimit edhe gjatë vitit 2015. Rëndësi e veccantë t’i kushtohet pastrimit të hot-spoteve dhe rritjes së sigurisë së armatim depove dhe municioneve. “ u shpreh Kodheli

Redaksia Online
(e.c/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aboneja falas për pensionistët dhe studentët, Veliaj: Tirana si familje, që kujdeset nga më të vegjlit deri te gjyshet dhe gjyshërit

Aboneja falas për pensionistët dhe studentët, Veliaj: Tirana si familje, që kujdeset nga më të vegjlit deri te gjyshet dhe gjyshërit

11 Janar, 13:52