POP 5

Lajmet më të lexuara të 5 minutave të fundit

Sociale

Koha e ngrohtë fut në ‘krizë’ turizmin dimëror! Pista e skive në Dardhë pa vizitorë nga mungesa e dëborës! Bizneset ankohen: Fitimi u përgjysmua

Mungesa e reshjeve të dëborës ka ulur numrin e vizitorëve në zonat me turizëm malor. Në Dardhë të Korçës bizneset thonë se moti I ngrohtë ka shkaktuar edhe dëm financiar, pasi fitimet nga turistët janë përgjysmuar

Mungesa e reshjeve të borës, si pasojë e temperaturave jo-normale edhe të fillim-vitit, ka ulur numrin e vizitorëve në fshatin turistik të Dardhës.

Turistët e huaj, por dhe vendas kanë qenë të pakët, krahasuar me të njëjtën periudhë të një viti më parë.

Adrian Niçku, menaxher i një bujtine në zonën e Dardhës, thotë se mungesa e turistëve ka sjellë edhe uljen e fitimeve, ndonëse fshati turistik ofron edhe mundësi të tjera në turizëm.

“Kjo situate është ndjere për 2 muaj, nëntor dhjetor, fillim janari, ka rënie të turistëve sepse qytetaret vijnë për dëborën. Ka një rënie drastike thuajse përgjysmim te fitimeve tona.”- u shpreh Ardian Niçku, menaxher.

E vetmja pistë e skive në Dardhë, prej kohësh nuk pret më vizitorë. Pronari Thoma Tasho shprehet se mungesa e dëborës ka ulur numrin e turistëve, ndërkohë qe biznesi ka stopuar duke i shkaktuar një dëm financiar.

“Koha ka qene e ngrohte dhe ka sjell fluks ne rënie te turisteve, sepse ata vijnë për borën. Meqë pista jone është e vetmja ne Shqipëri, këtu ka fluks te madh por mungesa e reshjeve te bores ka bere qe fluksi te jete I ulet, ndihet shume ulja e turisteve, megjithatë ne synojmë ta zgjerojmë jo vetëm për borën, por edhe per ecjen, ushqime bio etj.”- u shpreh Thoma Tasho, pronar i pistës së patinazhit.

Fshati Turistik i Dardhës mbetet i frekuentuar më tepër për shkak të Turizmit të Bardhë. Mungesa e turistëve, pasqyrohet kryesisht në ditët e javës, ndërsa në fundjavë numri I vizitorëve, kryesisht nga Tirana rritet.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sali: 10/01/2023 03:49

    Të kompesohen nga shteti.

    Përgjigju
  • Liu: 09/01/2023 20:31

    Fajin e ka Rama pse nuk e le per te rene!

    Përgjigju
    • Alibeaj: 09/01/2023 21:51

      Pse jo Saliu?

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Shqipëria në panairin FITUR në Spanjë, tërheq vizitorë, Rama: Premton shumë për një tjetër vit fantastik turistik

Shqipëria në panairin FITUR në Spanjë, tërheq vizitorë, Rama: Premton shumë për një tjetër vit fantastik turistik

26 Janar, 10:44