POP 5

Lajmet më të lexuara të 5 minutave të fundit

Kronikë

60 kg kokainë, mbetet e sekuestruar anija me qymyr që u kap në portin e Durrësit! GJKKO u refuzon pasaportat marinarëve të huaj

Anija e cila mëngjesin e 16 majit solli në Durrës qymyr guri brenda të cilit ishin fshehur edhe 60 kg kokainë do të mbetet e sekuestruar për llogari të SPAK. Ndërsa gjykata e Posaçme refuzoi t’i kthejë pasaportat marinarëve që po qëndrojnë brenda anijes së bllokuar, të cilët kërkuan të rikthehen në shtëpitë e tyre.

12 marinarët e anijes që vinte nga Ekuadori me qymyr dhe më 16 maj u sekuestrua nga SPAK në portin e Durrësit pasi brenda saj u gjetën 60 kg kokainë, kanë dalë sot para gjykatës.

Të prangosur dhe në shoqërinë e oficerëve të policisë ata ju drejtuan sallës së GJKKO duke kërkuar marrjen e pasaportave të tyre për t’u rikthyer në shtëpi pasi prej 16 Majit qëndrojnë në anijen e sekuestruar në Durrës, si masë sigurie për të mos u larguar nga Shqipëria.

Kërkesa e tyre u refuzua ndërsa mbrotja kërkoi përjashtimin e gjyqtarit Erion Çela nga ky proces me argumentin se ai ka vendosur më herët edhe sekuestron e anijes.

Anija është në pronësi të kompanisë Gjermane “MS Unistream & CO.KG”, ndërsa me vendim sekuestro ajo konsiderohet provë materiale nga SPAK për llogari të hetimit për trafik ndërkombëtar droge.

Para seancës për kthimin e pasaportave të marinarëve u zhvillua edhe seanca për heqjen e sekuestros së anijes, kërkesë e cila po ashtu u refuzua. Stafi që qëndron në bordin e anijes janë 7 filipinezë, 4 Rus, 1 Ukrainas të cilët edhe pse vendet e tyre i kanë në luftë me njëri tjetrin në sallën e gjykatës ishin miqësor.

Prokuroria e Posaçme në përfundim të seancave për heqien e sekuestros dërgoi në zyrat e Byrosë kombëtare të hetimit stafin e marinarëve pasi ata do pyeten në cilësinë e personave që kanë dijeni për rrethanat e hetimit.

1658221994_1652870565qymyri.jpg

Qymyrguri i sekuestruar

1658222802_WhatsAppImage20220719at11.24.13AM.jpeg

Personeli i anijes i arrestuar

1658222830_WhatsAppImage20220719at11.24.14AM.jpeg

Personeli i anijes i arrestuar

Rendit zhvillimet sipas orarit:
Ora 11:32
Drogë në anijen e qymyrit, dalin para gjykatës 12 të bllokuarit që prej muajit maj! Me pranga në duar

 

12 personat e ndaluar në anijen që u bllokua që në muajin maj pasi në të është gjetur drogë në Portin e Durrësit kanë dalë sot para Gjykatës. 
Ata kërkojnë heqjen e sekuestros për anijes, dhe si rrjedhojë edhe mundësinë që ata të largohen. 
 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Afera Partizani/ SPAK kërkon kthimin e Berishës në arrest shtëpie, Apeli i GJKKO-së cakton gjyqtarin që shqyrton ankimimin

Afera Partizani/ SPAK kërkon kthimin e Berishës në arrest shtëpie, Apeli i GJKKO-së cakton gjyqtarin që shqyrton ankimimin

27 Dhjetor, 12:35