Kokëdhima: 5 vite burg për 40
gr hashash, aministi për Mihalin

Kokëdhima: 5 vite burg për 40<br />gr hashash, aministi për Mihalin
TIRANE - Rasti i një 21-vjeçari nga Himari i dënuar me 5 vjet burg si përdorues hashashi, shërbeu për deputetin e Partisë Socialiste Koço Kokëdhima si shembulli konkret për të treguar nevojën e një amnistie për të gjithë djemtë dhe vajzat që vuajnë dënime të ngjashme. Këtë pasdite deputeti Kokëdhima vizitoi Mihal Llazarin në spitalin e burgut në QSUT, i cili po e vuan dënimin në gjendje të vështirë shëndetësore. Kokëdhima tha se Shqipëria duhet të ketë legjislacion shumë më lehtësues për përdoruesit e marijuanës dhe një amnisti të përgjithshme për ata që janë në burg.

koco

“Kjo nuk është një ngjarje e bukur po dramatike dhe ka lidhje për një të ri. Ky djalë është 21 vjeç dhe ka më shumë se 1 vit e gjysme në burg. Është në gjendjen e tronditjes së thellë psikologjike. Ai ka prej 3 javësh që nuk komunikon. Ai është nga Himara dhe nuk ka kryer asnjë lloj krimi. Thjesht ka qenë përdorues i hashashit. Ai ka jetuar në brengën e familjes së ndarë. Askush nuk gatuante për të. Ai është thjesht një përdorues hashashi. I ati i tij i shqetësuar për këtë fakt kërkoi ndihmën e policisë së Saliut. Dhe pasi e siguruan se do ta ndihmonin policia e arrestoi dhe ai tani vuan një burgim të gjatë në një gjendje mjaft të keqe shëndetësore. Fati i këtij të riu është i ngjashëm me fatin e shumë të rinjve të tjerë shqiptarë. Asnjë vend i botës nuk i ndëshkon kështu siç i ndëshkojmë ne djemtë dhe vajzat. Prandaj i bëjmë thirrje opinionit publik që të sensibilizohen që Shqipëria të ketë një legjislacion të arsyeshëm për përdorimin e marijuanës. Kjo bëhet më e arsyeshme në kontekstin e sotëm, ku marrëdhënia e shoqërisë me kanabisin është një marrëdhënie tjetër. Dhe nuk mund t’i marrim dhjetëra të rinj që të mbushim burgjet me to. Prandaj kërkojmë një amnisti themelore të përgjithshme për krimet e kanabisit sepse do të liroheshin nga burgu djem e vajza që nuk i kanë bërë dëm askujt vetëm vetes së tyre. I bëj apel gjykatësve që ta lirojnë Mihal Llazarin sepse nuk ka bërë asnjë krim”, u shpreh Kokëdhima.

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Droga shqetësim në qarkun e Lezhës! Përgjatë vitit të kaluar mbi 63 mbi rrënjë kanabis, Prefekti: Nuk do të ketë tolerime ndaj kultivuesve

Droga shqetësim në qarkun e Lezhës! Përgjatë vitit të kaluar mbi 63 mbi rrënjë kanabis, Prefekti: Nuk do të ketë tolerime ndaj kultivuesve