Kolegji Zgjedhor shqyrtoi sot padinë e Lefter Maliqit dhe koalicionit ‘Bashkë Fitojmë’ për zgjedhjet në Bashkinë Kuçovë. Kolegji Zgjedhor mori vendimin për hapjen e 18 kutive për bashkinë e Kuçovës. Për këtë çështje kishte dy ankimime të ndara, një nga kandidati Maliqi dhe tjetra nga koalicionin ‘Bashkë Fitojmë’ si subjekt politik. Kolegji vendosi që t’i shqyrtonte në një kërkesë të vetme duke pushuar një prej padive dhe sot shqyrtohet vetëm njëra.
Në fjalën tij Maliqi tha se ka prova se ka pasur parregullsi në zgjedhjet vendore që u mbajtën më 14 maj.
‘Unë jam këtu dhe e kam bërë gjithë këtë publike vetëm për të vërtetën. Kandidati për kryetar bashkie duhet të deklaroi një për një ka qenë apo jo i dënuar jashtë shtetit. Kam besim se do të jepni një vendim më të drejtë për qytetarët e Kuçovës.’- tha Maliqi.
Ndërsa avokati i Maliqit ka deklaruar se rinumërimi nuk mjafton. Ai tha se zgjedhjet duhet të shpallen të pavlefshme.
Kërkesat e Maliqit dhe koalicionit 'BF':
1.Ndryshimin e vendimit nr. 101, datë 16.06.2023 të ZAZ-së nr. 64, bashkia Kuçovë, qarku Berat “Për miratimin e tabelës përmbledhëse të rezultateve për zgjedhjen e kryetarit të bashkisë Kuçovë”.
2. Rinumërim dhe rivlerësim i votave për ZAZ-në nr. 64, të gjitha QV-të, duke përfshirë në të rezultatin e dalë nga rinumërimi dhe rivlerësimi i votave për QV-të e listuara në tabelë.
3. Pavlefshmëri e vendimit nr. 101, datë 16.05.2023 “Për miratimin e tabelës përmbledhëse të rezultateve për zgjedhjen e kryetarit të bashkisë Kuçovë”.
4. Konstatim i pavlefshmërisë së vendimit të KQZ-së ku është emëruar sekretari i KZAZ-së nr. 64 Kuçovë, shtetasi Romeo Arizi.
5. Pavlefshmëri e vendimit të KZAZ-së nr. 64 Kuçovë, qarku Berat, për shtyrjen e numërimit të votës, nga ora 10:00 deri në orën 12:30.
6.Pavlefshmëri e pjesshme e fletës së votimit Kandidatët për Kryetar Bashkie për Bashkinë Kuçovë, në pikën ku është shënuar kandidati për bashkinë Kuçovë, qarku Berat, Kreshnik Hajdari .
7.Pavlefshmëri e veprimit juridik, formulari i dekriminalizimit, në emër të Kreshnik Hajdarit dorëzuar pranë KQZ referuar ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
Kolegji Zgjedhor pas mbledhjes së ditës së sotme ku kandidati i 'BF' për Kuçovën shtroi pretendimet e tij lidhur me manipulimin e procesit zgjedhor dhe atij të rinumërimit, ka vendosur rinumërimin e 18 kutive për këtë bashki të qarkut të Beratit.
Të premten, 30 qershor në orën 09:00 pritet të nisë rinumërimi.
Ndërsa Lefter Maliqi dhe avokati i tij pas përfundimit të seancës në Kolegjin Zgjedhor u shprehën të bindur se pas rinumërimit të kutive rezultati do të ndryshojë. Por u shprehën se zgjedhjet duhet të shpallen të pavlefshme pasi sipas tyre ka pasur shkelje të rënda para, gjatë dhe pas procesit zgjedhor në bashkinë e Kuçovës.
“Problemi qëndron që çdo fakt u bë publik. Krimi shtetëror dhe elektoral në Kucovë është bërë publik. Edhe avokati i PS është dakord me pretendimet që dhamë ne sot”- tha Maliqi.
Nga ana tjetër, avokati i Maliqit tha se shkeljet nuk kanë ndodhur vetëm gjatë fazës së votimit por edhe më pas, duke akuzuar KQZ-në si institucion që vepron në interes të subjekteve politike të caktuara.
"Shkeljet nuk kanë ndodhur vetëm gjatë fazës së votimit. Por shkeljet kanë vijuar edhe në KQZ ku është manipuluar procesi. Është institucion krimi, është i kapur nga korrupsioni merr vendime në interes të subjekteve politike të caktuara. Ajo që ne presim, është se çfarëdo të ndodhë me hapjen e 18 kutive, që besojmë se rezultati përmbyset, ne kërkojmë shpalljen të pavlefshme të zgjedhjeve”- u shpreh avokati.
Lajmi në përditësim...
Komente
Lajme të tjera
-
Kapakët e artë të ungjillit që ruhen në Muzeun Ikonografik 'Onufri'
25 Prill, 11:06 -
Bleu vota për të bijën kandidate e ‘Bashkë Fitojmë’ në Vorë, SPAK dërgon për gjykim ish-kryeplakun e Bërxullës
25 Prill, 11:05 -
Grabitet drejtoria e Ujësjellës-Kanalizimeve në Berat! Hajdutët shqyejnë kasafortën dhe marrin 2 mln lekë të vjetra
22 Prill, 12:32
-
Panair për të rinjtë në Berat, Muzhaqi: Mundësi trajnimi dhe punësimi
20 Prill, 16:24 -
Çelet ekspozita tek “Onufri”, mes objekteve monedha 500-she me elementë të Kodikut të Purpurt të Beratit
19 Prill, 16:31 -
Berat/ Pasi u konfliktuan me 22-vjeçarin i dogjën orendi në ballkonin e banesës së tij, arrestohen 2 vëllezërit
14 Prill, 12:22 -
Revista gjermane “Kronen Zeitung”: Zbuloni destinacionin e ri mesdhetar, Shqipërinë
13 Prill, 09:15 -
Në kërkim për shitje dhe prodhim narkotikësh, pranga 45-vjeçarit në Berat
11 Prill, 10:18 -
Merrnin gurë dekorativë nga mali i Tomorit, vihen në hetim administratorët e dy subjekteve në Poliçan
11 Prill, 10:09 -
Mësuesi që u bë Myfti i Beratit! Qeramudin Durdia tregon udhëtimin e vështirë: Si rindërtuam xhamitë pas viteve ’90 mes fanatikëve komunistë
10 Prill, 12:43
-
Festa e Fitër Bajramit në Berat, myftiu lutet për mirësi dhe mbarësi në familjet shqiptare
10 Prill, 08:29 -
Bashkë me të birin shfrytëzonin nipin për të sharë në TikTok, Gjykata e Beratit lë në burg Natasha Rombulën
9 Prill, 16:11
Ne 2023 te vazhdosh te merresh me Lefter Maliqin dhe kete avokatin e tij ordiner qe dhe mbiemrin e ka Llangozi qe i bie llango eshte cmenduri , paskemi vertete kohe per te humbur si popull. Lefteri qe nga 2005 ka garuar per 3 parti te ndryshme , ka humbur te gjitha zgjedhjet pervec 1 here dhe asnjehere nuk e ka pranuar humbjen duke nxjerre lloj- lloj justifikimesh . Eshte nje humbes serial me karakter te dobet e pa moral , nje hajdut ordiner ndersa ky avokati i tij eshte nje maskara gjobvenes i punesuar i emisionit Stop .
Përgjigju