Në Korçë po mbahet edicioni i 13-të I Kolonia ndërkombëtare e arteve figurative “Ditët e Mios”, që ka sjellë 51 mjeshtra të telajos nga 15 vende të ndryshme të botës. Dy artistë nga Maqedonia e Veriut ndajnë me Report Tv këtë eksperiencë, ndërsa thonë se qyteti jug-lindor I Shqipërisë është inspirim për artistët.
Ljubica Solak dhe Burhan Ahmeti nga Maqedonia e Veriut janë dy piktorët të cilët janë bërë pjesë e Kolonisë së Artit ‘Mio’ që zhvillohet në qytetin e Korçës për vitin e 13. Këtë herë mes 51 mjeshtrave të telajos kishte pjesëmarrës nga 15 vende të ndryshme të botës.
Piktorja Ljubica Solak tregon përjetimet e saj në qytetin e Korçës, si dhe thotë se nuk është hera e parë që vjen në qytetin juglindor.
“Është hera e parë në këtë aktivitet, por jo hera e parë në Korçë. kam qenë edhe para disa vitesh. Kam dëgjuar për Vangjush Mion, më pëlqejnë kryesisht të vizatoj pasazhet, por edhe kombinimet me ndërtesat e vjetra”, tha Ljubica Solak, piktore.
Burhan Ahmeti është piktori shqiptar nga Maqedonia e Veriut, i cili nuk është bashkuar për herën e parë me koloninë e Piktorëve. Ahmeti thotë se sivjet në këtë koloni dominojnë artistët e huaj. Ahmeti ndryshe nga kolegët e tij, si peizazhist shëtit dhe memorizon vende në Korçë e më pas nëpërmjet memories dhe imagjinatës hedh në telajo bojërat për të krijuar një copëz nga ky qytet.
“Është hera e tretë që marr pjesë në këtë aktivitet. punën e veprave ia lëmë inspirimit, sidomos fillimi është shumë i rëndësishëm, inspirimi që marrim nga ky vend mundohemi ta hedhim në telajo. Si pikënisje kemi shtëpinë muze të Mios, dhe inspirimi i parë vjen këtu, nga veprat e tij, nga muzeu. Artistët vendas e kanë prioritet pikturën në natyrë, ndërsa vetë mundohem që atë që shoh, të mos e hedh menjëherë në telajo, por në studio, pak më vonë”, tha Burhan Ahmeti, piktor.
Ai thotë se në përfundim të kësaj kolonie do i lerë Korçës një vepër te ekspresionizmit abstrakt, të frymëzuar nga bukuritë dhe të mirat e Korçës.
“Çdo herë ka frymëzim këtu, edhe pse nuk shoh shumë gjallëri si dikur, por thjesht ky qytet është i pazëvendësueshëm”, u shpreh Ahmeti.
Kolonia ndërkombëtare e piktorëve është ngjarja më e rëndësishme e artit figurativ në qarkun juglindor. Dhe në përfundim të saj do të ketë krijime nga artistët ndërkombëtar të cilat do te mbeten në Korçë.
Lajme të tjera
-
Rritet çmimi i apartamenteve në Korçë dhe Pogradec, deri në 1 mijë € metri katror! Agjenti imobilar: Kërkesa të larta nga Tirana e Durrësi! S’mbetet pas as diaspora
25 Nëntor, 19:48
-
E rëndë në Maliq, mjeti bujqësor përmbyset në rrugën e Moglicës, vdes 61-vjeçari që drejtonte zetorin (EMRI)
25 Nëntor, 19:18 -
Ersekë/ Flakët shkrumbojnë magazinën me bazë ushqimore, 2 zjarrfikëse në vendngjarje për të shmangur përhapjen e vatrës në banesa (FOTOT)
24 Nëntor, 19:15 -
Udhëtim mes dy kohëve, veprat e realizmit socialist shfaqen në Korçë përmes projeksioneve digjitale
23 Nëntor, 17:01
-
Korça 'mbulohet' nga bora! Disa fshatra pa energji elektrike
23 Nëntor, 12:42 -
Maliq/ Zjarri shkrumbon banesën, shkak dyshohet shkëndija elektrike! Dëme të shumta materiale, s’ka të lënduar
21 Nëntor, 18:26 -
Korçë, 13 vjeçari shkon në shkollë me biçak, ia gjejnë në çantë
21 Nëntor, 12:01 -
Korçë/ Sherr mes fëmijëve në Bulgarec gjatë lojës së futbollit! 12 vjeçari goditet me gur dhe përfundon në spital
19 Nëntor, 16:32 -
Nis puna për rilindjen e Muzeut Arkeologjik të Korçës, restaurim total i godinës, pa prishur vlerat historike
19 Nëntor, 15:53 -
Sot dita ndërkombëtare e të drejtave të fëmijëve/ Të rinjtë marshojnë në Maliq: Na mbroni
19 Nëntor, 15:35 -
I gjetën 56 kg kanabis në kamion, policia arreston babë e bir në Kapshticë! Po e transportonin drejt Turqisë (EMRAT)
19 Nëntor, 09:41 -
Fotografët grekë të “False mirror” turne fotografik në rrugicat e Korçës
18 Nëntor, 16:56
